Kolumbiyanın şimal-qərb hissəsində yerləşən mədəndə dağıntılar altında qalan 5 şaxtaçı həmkarları tərəfindən xilas edilib.
APA TASS-a istinadən xəbər verir ki, bu barədə yerli “La FM” radiosu məlumat yayıb.
Hadisə Valdiviya bələdiyyəsində qeyri-qanuni fəaliyyət göstərən qızıl mədənində baş verib. Şaxtaçılar müxtəlif dərəcəli bədən xəsarətləri ilə yaxınlıqdakı xəstəxanaya yerləşdiriliblər.
Hadisə ilə əlaqədar istintaq başladılıb.