Avropa İttifaqı (Aİ) İranın nüvə proqramının tədqiqatçısı və Müdafiə Nazirliyi nəzdində Araşdırmalar və İnnovasiya Təşkilatının rəhbəri Möhsün Fəxrizadənin qətlini pisləyib.
APA-nın xəbərinə görə, bu barədə Aİ-nin Xarici Siyasət və Təhlükəsizlik məsələləri üzrə Ali Nümayəndəsinin mətbuat katibi Peter Stano bildirib.
“Belə qeyri-müəyyən dövrdə heç kimin marağında olmayan gərginləşmənin qarşısını almaq üçün bütün tərəfləri sakit olmağa çağırır və bildiririk ki, hazırda maksimum dərəcədə təmkinli olmaq həmişəkindən daha vacibdir”, - deyə Aİ-nin Ali Nümayəndəsinin sözçüsü qeyd edib.
Xatırladaq ki, noyabrın 27-də Tehranın şimal-şərqində yerləşən Absərd şəhərində M. Fəxrizadə qətlə yetirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
