Gürcüstan parlamentinin Müdafiə və Təhlükəsizlik komitəsinin iclasında Dağlıq Qarabağ məsələsi müzakirə edilir.
APA-nın Gürcüstan bürosunun ölkənin İctimai telekanalına istinadən verdiyi xəbərə görə, qapalı keçirilən iclasda ölkənin Xarici Kəşfiyyat Xidmətinin nümayəndələri deputatları məsələ ilə bağlı məlumatlandıracaq.
Qeyd olunub ki, iclasda deputatlara Dağlıq Qarabağdakı vəziyyətlə bağlı kəşfiyyat xidməti öz baxışını təqdim edəcək.
İclasda eyni zamanda, Ukraynadakı vəziyyətin müzakirə ediləcəyi bildirilib.
***
saat 08:38
Gürcüstan parlamentində Dağlıq Qarabağla bağlı müzakirə aparılacaq.
APA-nın yerli bürosu xəbər verir ki, məsələ parlamentin Müdafiə və Təhlükəsizlik Komitəsinin iclasında müzakirəyə çıxarılacaq.
Məlumata görə, komitənin gündəliyində qeyd olunub ki, müzakirə zamanı Dağlıq Qarabağ münaqişəsi ilə bağlı ələdə edilən razılaşmanın Cənubi Qafqazın təhlükəsizlik mühitinə təsirlərinə fokuslanılacaq. Komitə iclasında Gürcüstan kəşfiyyat xidmətinin rəhbəri Şalva Lomidze dinləniləcək. İclasın qapalı keçəcəyi ehtimal edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
