Bu gün Ankarada Türkiyə-Azərbaycan Dostluq, Əməkdaşlıq və Həmrəylik Fondunda (TADİV) "29-cu ildönümündə Xocalı soyqırımının düşündürdükləri" başlıqlı panel və sərgi keçirilib.
APA-nın yerli bürosunun xəbərinə görə, tədbirdə Türkiyə Prezidenti yanında Təhlükəsizlik və Xarici Siyasət Komitəsinin üzvü Aygün Əttar moderatorluq edib.
Tədbirdə Türkiyə xarici işlər nazirinin müavini Yavuz Səlim Kıran, Türkdilli Ölkələrin Əməkdaşllq Şurasının sədri Bağdat Amrayev, Azərbaycanın Türkiyədəki səfiri Xəzər İbrahim, Diasporla İş üzrə Dövlət Komitəsi sədrinin birinci müavini Valeh Hacıyev Xocalı soyqırımı ilə bağlı çıxış ediblər.
Çıxışçılar Xocalı soyqırımının 29-cu ildönümünün bu il ötən illərlə müqayisədə fərqli şəkildə anıldığını, müharibədən qalib çıxmış xalq və ölkədə zəfər ab-havasının yaşandığını vurğulayıb.
Tədbirə Qazaxısatanın Türkiyədəki səfiri, Qaradəniz İqtisadi Əməkdaşllq Şurasının sədri, keçmiş səfirlər və bir çox diplomat qatılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
