Bu ilin yanvar-avqust aylarında Rusiyanın Oktyabrsk dəmir yolu poliqonundan yükləmələrin həcmi ötən ilin eyni dövrü ilə müqayisədə 2% artaraq 8,2 mln. tonu üstələyib.
"APA-Economics" Rusiya mətbuatına istinadən xəbər verir ki, hesabat dövründə yük dövriyyəsi 8% artaraq 15 mlrd. ton-km təşkil edib. Ən çox artım dəmir filizinin (3% – 5,1 mln. tonadək), inşaat yüklərinin (52% – 1,5 mln. tonadək) və qara metal qırıntılarının (34% – 60,7 min tonadək) yükləmələrində qeydə alınıb.
Ölkədaxili yük daşımaları təxminən 3% artaraq 7,9 mln. tona çatıb. Ən populyar istiqamətlər ölkənin Şimal bölgələri, Qərbi Sibir və Moskva vilayəti olub.
Bu dövrdə ixrac trafiki 11% azalaraq 267,5 min ton təşkil edib. Yüklər əsasən Azərbaycan, Qazaxıstan, Belarus, Baltikyanı ölkələrə, həmçinin Şimal-Qərb limanları vasitəsilə uzaq ölkələrə göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
