Gəncədə COVID-19 infeksiyası ilə mübarizədə, eləcə də Vətən müharibəsi dövründə səmərəli əmək fəaliyyətinə görə özəl tibb müəssisələrinin bir qrup işçisi mükafatlandırılıb.
APA-nın yerli bürosunun məlumatına görə, Gəncə Şəhər İcra Hakimiyyətində keçirilən mərasimdə Vətən müharibəsi zamanı şəhid olanların xatirəsi bir dəqiqəlik sükutla yad edilib.
Gəncə Şəhər İcra Hakimiyyətinin başçısı Niyazi Bayramov pandemiya, habelə 44 günlük Vətən müharibəsi dövründə, o cümlədən Gəncənin raket atəşinə tutulması zamanı yaralanan şəxslərin müalicəsində fədakarlıq göstərdiklərinə görə tibb işçilərinə təşəkkür edib. O bildirib ki, Prezident İlham Əliyevin və Birinci vitse-prezident Mehriban Əliyevanın diqqət və qayğısı nəticəsində bu gün ölkə səhiyyəsi öz inkişaf dövrünü yaşayır. Niyazi Bayramov gecə və gündüz yorulmadan çalışan şərəfli peşə sahiblərinə bu yolda uğurlar arzulayıb.
Gəncə Şəhər İcra Hakimiyyəti başçısının birinci müavini Səməd Tomuyev çıxışında özəl xəstəxanaların vaksinasiya prosesində fəal iştirakını vurğulayıb və işlərində müvəffəqiyyət diləyib.
Gəncə Müalicə Diaqnostika Mərkəzinin baş direktoru Rövşən Veysov göstərilən diqqətə görə ölkə başçısına və şəhər rəhbərliyinə təşəkkürünü bildirib.
Sonda Niyazi Bayramov tərəfindən təltif olunanlara “Təşəkkürnamə”lər təqdim olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
