Prezident İlham Əliyev: "Azərbaycanın maliyyə vəziyyəti kifayət qədər yaxşıdır"

prezident ilham eliyev azerbaycanin maliyye veziyyeti kifayet qeder yaxsidir
Azərbaycan iqtisadiyyatı sürətlə inkişaf edir

Bakı-APA. Son illər ərzində regionların inkişafı proqramı çərçivəsində çox işlər görülüb. Əsas məqsəd yerli istehsalın, iş yerlərinin yaradılması və ixrac potensialımızın gücləndirilməsidir. APA-nın məlumatına görə, bu barədə Azərbaycan prezidenti İlham Əliyev Astarada “Astaraçay” MMC-nin çay emalı fabrikinin kollektivi və rayon ictimaiyyətinin nümayəndələri ilə görüşündə bildirib.

 

 

Prezident İlham Əliyev Azərbaycanın maliyyə vəziyyətinin kifayət qədər yaxşı olduğunu qeyd edib: “İlin birinci rübünün yekunları da çox müsbətdir. Azərbaycan iqtisadiyyatı sürətlə inkişaf edir. Gələcəkdə biz kənd təsərrüfatının, sənayenin, qeyri-neft sektorunun hesabına daha da inkişaf edəcəyik”.

 

Dövlət başçısı kompleks yanaşmanın Azərbaycan iqtisadiyyatının neft amilindən daha az asılı olmasına və dayanıqlı inkişafın təmin edilməsinə imkan verdiyini qeyd edib.

 

 

 

İnfrastruktur məsələlərə toxunan prezident İlham Əliyev Azərbaycanda bir dənə də təmirsiz kənd yolunun qalmayacağını qeyd edib: “Məqsəd bundan ibarətdir. Son illərdə bu sahəyə kifayət qədər böyük vəsait ayrılıb. Yollar tikilir, çünki yol olmasa inkişaf da olmaz. Eyni zamanda, yol olanda insanlar özlərini daha da rahat hiss edirlər. Yol həm sosial, həm də iqtisadi layihədir. İnfrastruktur layihələri bizim fəaliyyətimizin birinci mərhələsində ona görə prioritet daşıyırdı, çünki onlar olmasa inkişaf mümkün deyil. Biz elektrik stansiyaları tikməsəydik, bu gün bu müəssisənin də yaradılmasına heç bir imkan olmazdı. Çünki enerji generasiyası, qaz xətləri, infrastruktur, yollar - bunlar hər bir ölkənin inkişafını şərtləndirir. Ondan sonra isə dövlət investisiyalarının yatırılması, kreditlərin verilməsi, sahibkarlığın inkişafı, belə gözəl müəssisələrin yaradılması prosesi başlayıb”. 

BÖLMƏDƏN DİGƏR XƏBƏRLƏR

XƏBƏR LENTİ

12:23 18 İyun
TOP 5

VİDEO XƏBƏRLƏR

FOTO XƏBƏRLƏR

  • fhn bakida restoranda bas vermis yanginla bagli resmi melumat yayib yenilenib 2
    FHN Bakıda restoranda baş vermiş yanğınla bağlı rəsmi məlum...
  • fhn bakida tikinti materiallari bazarinda bas vermis yanginla bagli resmi melumat yayib yenilenib 2
    FHN Bakıda tikinti materialları bazarında baş vermiş yanğınl...
fhn bakida tikinti materiallari bazarinda bas vermis yanginla bagli resmi melumat yayib yenilenib 2 fhn bakida tikinti materiallari bazarinda bas vermis yanginla bagli resmi melumat yayib yenilenib 2 +2
MƏZƏNNƏ
FOREX
/ 19 İyun, 2018

USD
1.7
 
EUR
2.0067
 
RR
0.0272