Reks Tillerson: “Rusiya öz əməllərinə görə məsuliyyətə cəlb olunmalıdır”

reks tillerson rusiya oz emellerine gore mesuliyyete celb olunmalidir

Bu gün ABŞ Senatında yeni seçilmiş prezident Donald Tramp tərəfindən dövlət katibi vəzifəsinə namizədliyi irəli sürülmüş Reks Tillersonun bu vəzifəyə təsdiqlənməsi ilə əlaqədar dinləmələr keçiriləcək.

 

APA-nın xəbərinə görə, “Reuters” agentliyi R. Tillersonun Senatda edəcəyi çıxışın mətnini əldə edib. Mətndə Rusiyanın beynəlxalq arenada fəaliyyətindən narahatlıq ifadə olunur.   

 

R. Tillerson giriş nitqində D. Trampın hansı səbəblə Rusiya ilə münasibətlərin yaxşılaşdırılmasına tərəfdar olduğunu izah edir. O bildirir ki, Vaşinqtona öz kursunu müəyyənləşdirmək üçün Moskva ilə açıq və şəffaf dialoq lazımdır. Lakin “Reuters” qeyd edir ki, R. Tillersonun bu barədə ritorikası D. Trampın bəyanatlarından fərqlənir. “Rusiya beynəlxalq arenada əhəmiyyətli rol oynamaq və ona hörmət olunmasını təmin etmək istədiyi bir zamanda son vaxtlar yol verdiyi hərəkətlərlə Amerikanın maraqlarını inkar edib. Rusiya bilməlidir ki, biz öz öhdəliklərimiz, eləcə də müttəfiqlərimiz qarşısındakı öhdəliklərimizə əməl edəcəyik və Rusiya öz əməllərinə görə məsuliyyətə cəlb olunmalıdır”, - deyə R. Tillerson vurğulayır.

 

Dövlət katibliyinə namizəd Rusiyadan qaynaqlanan təhlükəyə diqqət çəkib: “Rusiya Ukraynaya soxulub, Krımı özünə birləşdirib və savaş qanunlarını qəddarcasına pozan Suriya qüvvələrinə dəstək verib. Bizim NATO üzrə müttəfiqlərimiz dirçələn Rusiyadan narahatlıq durmaqda haqlıdır”.

 

Qeyd edək ki, R. Tillerson “Exxon-Mobil” neft korporasiyasının baş direktoru idi, lakin dövlət vəzifəsinə namizədliyi irəli sürüldükdən sonra bu vəzifədən istefaya gedib. ABŞ-ın bir sıra nüfuzlu senatorları onun Rusiya prezidenti Vladimir Putinlə yaxın əlaqələrə malik olmasından ciddi narahatlıq duyduqlarını və Senatda R. Tillersonun namizədliyi müzakirə olunarkən bu barədə məsələ qaldıracaqlarını bildiriblər.  

BÖLMƏDƏN DİGƏR XƏBƏRLƏR

XƏBƏR LENTİ

15:11 27 May
TOP 5

VİDEO XƏBƏRLƏR

FOTO XƏBƏRLƏR

  • tiflisde azerbaycan dovlet dram teatrinin kecmis direktorunun anim gunu kecirilib
    Tiflisdə Azərbaycan Dövlət Dram Teatrının keçmiş direktorunu...
  • respublika gunu munasibetile silahli quvvelerde silsile tedbirler kecirilib fotosessiya
    Respublika Günü münasibətilə Silahlı Qüvvələrdə silsilə tədb...
respublika gunu munasibetile silahli quvvelerde silsile tedbirler kecirilib fotosessiya respublika gunu munasibetile silahli quvvelerde silsile tedbirler kecirilib fotosessiya +2
MƏZƏNNƏ
FOREX
/ 29 May, 2017

USD
1.702
 
EUR
1.9062
 
RR
0.03
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ