Belçikada 20 Yanvar şəhidlərinin xatirəsi anılıb

19 yanvar 2018-ci il tarixində 20 Yanvar faciəsinin iyirmi səkkizinci ildönümü ilə əlaqədar, Belçikanın Vaterlo şəhərində yerləşən “Wellington” muzeyinin sərgi salonunda Azərbaycan Respublikasının Belçikadakı səfirliyi, NATO yanında Nümayəndəliyinin əməkdaşları və Belçikada yaşayan Azərbaycan diasporunun nümayəndələrinin iştirakı ilə Qanlı Yanvar faciəsinə həsr olunmuş sərgi və anım mərasimi keçirilib.

 

Səfirlikdən APA-ya verilən məlumata görə,  səfir Fuad İsgəndərov və Azərbaycanın NATO yanında Nümayəndəliyinin başçısı vəzifəsini icra edən Qaya Məmmədov çıxış edərək, 1990-cı il yanvarın 19-dan 20-ə keçən gecə Sovet Ordusunun Bakıda törətdiyi qanlı hadisələr, bu hadisənin Azərbaycan tarixində yeri və nəticələri barədə geniş məlumat veriblər.

 

Natiqlər sovet ordusunun törətdiyi qanlı hadisələrdən dərhal sonra Ulu Öndər Heydər Əliyevin Moskvada bu amansız cinayətə öz etirazını bildirməsini xatırlatmış və bütün bu proseslərin Azərbaycanın öz müstəqilliyinə doğru atdığı addımları sürətləndirdiyini, ölkəmizdə müstəqillik hərəkatının daha geniş vüsət almasına şərait yaratdığını qeyd etmiş, doğma vətənin hazırki inkişaf mərhələsində o günlərin tarixi təcrübəsinin nəzərə alınmasının xüsusi əhəmiyyət kəsb etdiyini vurğulayıblar. 

 

Sonda mərasim iştirakçıları tərəfindən Azərbaycanın görkəmli şairi Xurşidbanu Natavanın Vaterlo şəhərində yerləşən abidəsi ziyarət edilərək onun önünə əklil qoyulub. 

BÖLMƏDƏN DİGƏR XƏBƏRLƏR

XƏBƏR LENTİ

14:10 21 İyun
Video
08:24 21 İyun
TOP 5

VİDEO XƏBƏRLƏR

FOTO XƏBƏRLƏR

  • tehsil nazirliyinin hesabat tedbiri kecirilib
    Təhsil Nazirliyinin hesabat tədbiri keçirilib
  • eli ehmedov azerbaycanda telebelerin sayi dunya gostericisinden asagidir
    Əli Əhmədov: "Azərbaycanda tələbələrin sayı dünya göstəricis...
eli ehmedov azerbaycanda telebelerin sayi dunya gostericisinden asagidir eli ehmedov azerbaycanda telebelerin sayi dunya gostericisinden asagidir +2
MƏZƏNNƏ
FOREX
/ 21 İyun, 2018

USD
1.7
 
EUR
1.9658
 
RR
0.0267