Azərbaycanlı deputatlar Moskvada keçirilən beynəlxalq forumda iştirak edirlər

Moskvada "Parlamentarizmin inkişafı" adlı beynəlxalq forum başlayıb.

 

APA-nın Moskva müxbirinin verdiyi məlumata görə, Ümumrusiya Sərgi Mərkəzində (VDNX) keçirilən forumda 96 ölkədən olan parlamentarlar və ekspertlər iştirak edirlər. Əsas müzakirə mövzusu müasir parlamentarizmin inkişafı məsələləridir. İştirakçılar qlobal təhlükəsizlik və kibertəhlükəsizlik məsələlərini, dünya iqtisadiyyatı və rəqəmsal iqtisadiyyatın inkişafını müzakirə edirlər.

 

Rusiya prezidenti Vladimir Putinin təbrik məktubu oxunduqdan sonra tədbiri giriş sözü ilə Dövlət Dumasının sədri Vyaşeslav Volodin açıb. O, beynəlxalq hüquq və qlobal təhlükəsizlik sisteminin müasir böhranı şəraitində parlamentarizm institutunun rolunun artdığını söyləyib: "Beynəlxalq institutların və sazişlərin effektivliyi siyasətçilərin və bir sıra dövlətlərin məsuliyyətsiz davranışı nəticəsində pozulan zaman parlament diplomatiyası qarşıdurmanı və münaqişə potensialını azaltmağa, ölkələr və xalqlar arasında etibarı möhkəmləndirməyə yardım edə bilər və etməlidir. Sanksiyalar və informasiya müharibəsi nəticəsində təhlükə altında qalan beynəlxalq sabitliyi qaytarmaq lazımdır".

 

Duma spikerinin fikrincə, beynəlxalq təhlükəsizliyi ancaq bir-birinə qarşılıqlı hörmət və BMT qərarlarının icra edilməsi əsasında qaytarmaq olar: "Vacibdir ki, beynəlxalq ictimaiyyət tərəfindən tanınan qaydalara, standartlara istisnasız olaraq hamı tərəfindən riayət olunsun".

 

Qeyd edək ki, iki gün ərzində davam edəcək "Parlamentarizmin inkişafı" Beynəlxalq Forumunda Azərbaycanı Milli Məclisin Hüquq siyasət və Dövlət quruculuğu Komitəsinin sədri Əli Hüseynlinin rəhbərlik etdiyi nümayəndə heyəti təmsil edir.

BÖLMƏDƏN DİGƏR XƏBƏRLƏR

XƏBƏR LENTİ

13:22 23 İyun
09:33 23 İyun
09:25 23 İyun
TOP 5

VİDEO XƏBƏRLƏR

FOTO XƏBƏRLƏR

  • turkiyede novbedenkenar prezident ve parlament seckilerinde sesverme basa catib yenilenib
    Türkiyədə növbədənkənar prezident və parlament seçkilərində ...
  • ebulfez elcibeyin doguldugu keleki kendinde yubileyi kecirilib fotosessiya
    Əbülfəz Elçibəyin doğulduğu Kələki kəndində yubileyi keçiril...
ebulfez elcibeyin doguldugu keleki kendinde yubileyi kecirilib fotosessiya ebulfez elcibeyin doguldugu keleki kendinde yubileyi kecirilib fotosessiya +2
MƏZƏNNƏ
FOREX
/ 24 İyun, 2018

USD
1.7
 
EUR
1.9745
 
RR
0.0267