Lavrov: “Türkiyənin S-400-lərin tez göndərilməsi ilə bağlı xahişinə müsbət baxırıq”

lavrov turkiyenin s 400 lerin tez gonderilmesi ile bagli xahisine musbet baxiriq

“Türkiyənin S-400-lərin tez bir zamanda göndərilməsi ilə bağlı xahişinə biz müsbət reaksiya veririk”.

 

APA-nın Moskva müxbirinin verdiyi məlumata görə, bunu Rusiya xarici işlər naziri Sergey Lavrov türkiyəli həmkar Mövlud Çavuşoğlu ilə keçirdiyi görüşün yekunlarına dair mətbuat konfransında bildirib.

 

“Yüksək Səviyyəli Əməkdaşlıq Şurasına hazırlığı, iqtisadi münasibətləri müzakirə etdik. “Türk axını” və Akkuyu Atom Elektrik Stansiyası kimi layihələrin önəmini bir daha təsdiqlədik. S-400 zenit-raket kompleksinin Türkiyəyə satışına dair sazişin reallaşdırılmasını müzakirə etdik. Bu barədə mütəxəssislər danışıqlar aparır. Türkiyənin S-400-lərin göndərilməsinə dair xahişinə biz müsbət reaksiya veririk. Rusiya və Türkiyədə qarşılıqlı olaraq 2019-cu ilin turizm ili elan edilməsini razılaşdırdıq. Ötən il Rusiyadan Türkiyəyə rekord sayda turist gedib. Biz Türkiyəyə gələn turistlərin sayına görə Almaniyanı qabaqlamışıq”. 
 

Rusiya XİN başçısı türkiyəli həmkarı ilə gündəmdə olan beynəlxalq məsələləri müzakirə etdiklərini də söyləyib: “Hər şeydən öncə Suriya münaqişəsinin siyasi yolla həll edilməsi ilə bağlı müzakirələr apardıq”.
 

S. Lavrov Cənubi Qafqazda, Mərkəzi Asiyada, Ukraynadakı problemlərlə bağlı fikir mübadiləsi apardığını da söyləyib. 

 

M. Çavuşoğlu isə Rusiya ilə Türkiyə arasında olan birtərəfli viza rejiminin ölkələr arasında iqtisadi münasibətlərin inkişafına maneə törətdiyini vurğulayıb: “Qara dənizdə və digər regionlarda Rusiya ilə sıx əməkdaşlıq edirik. Bir sıra məsələlərdə fikir ayrılıqları olmasına baxmayaraq, Rusiya ilə dialoq davam edir. O ki qaldı S-400-lərin Türkiyəyə göndərilməsi məsələsinə, bunların tez göndərilməsi hər iki ölkənin maraqlarına uyğundur”.

BÖLMƏDƏN DİGƏR XƏBƏRLƏR

XƏBƏR LENTİ

17:35 20 İyun
TOP 5

VİDEO XƏBƏRLƏR

FOTO XƏBƏRLƏR

  • gomruk prosedurlarinin sadelesdirilmesi ve suretlendirilmesile bagli seminar kecirilir
    Gömrük prosedurlarının sadələşdirilməsi və sürətləndirilməsi...
  • azerbaycan ordusunun 100 illiyine hesr olunmus elmi praktiki konfrans kecirilib
    Azərbaycan Ordusunun 100 illiyinə həsr olunmuş elmi-praktiki...
azerbaycan ordusunun 100 illiyine hesr olunmus elmi praktiki konfrans kecirilib azerbaycan ordusunun 100 illiyine hesr olunmus elmi praktiki konfrans kecirilib +2
MƏZƏNNƏ
FOREX
/ 21 İyun, 2018

USD
1.7
 
EUR
1.9671
 
RR
0.0267