Nazirlik Mərakeş və İtaliya çəyirtkələrinə qarşı mübarizə tədbirlərini gücləndirib

nazirlik merakes ve italiya ceyirtkelerine qarsi mubarize tedbirlerini guclendirib

Azərbaycan ərazisində Mərakeş və İtaliya çəyirtkələrinə qarşı müşahidə və mübarizə tədbirləri həyata keçirilir.

 

Kənd Təsərrüfatı Nazirliyindən "APA-Economics"ə verilən məlumata görə, tədbirlər çərçivəsində İmişli, Saatlı, Sabirabad, Biləsuvar və Salyan rayonları ərazisində 35000 hektar dövlət ehtiyat fondu torpaqlarında müşahidə işləri aparılıb, 8500 hektar sahədə isə sirayətlənmə aşkar edilib. Hazırda ümumilikdə 7640 hektar dövlət ehtiyat fondu torpaqlarında mübarizə tədbirləri görülüb.

 

Laçın rayonundan olan məcburi köçkünlərin məskunlaşdığı Beyləqan rayonunun Şirinqum ərazisindəki dövlət ehtiyat fond torpaqlarında adıçəkilən zərərvericilərə qarşı 875 hektar sahədə mübarizə işləri artıq başa çatdırılıb.

 

Hacıqabul, Şamaxı və Kürdəmir rayonları ərazisində 760 hektar, Tovuz, Qazax və Ağstafa rayonlarının ərazisində və Ceyrançöl düzündə 3600 hektar sahədə Mərakeş və İtaliya çəyirtkələrinin məhv edilməsi istiqamətində  mübarizə tədbirləri davam etdirilir. Mübarizə tədbirləri “Pikap” tipli, ultra kiçik həcmli müasir və yüksək manevr qabiliyyəti olan “AU 8115 M” çiləyici aqreqatlar və yerüstü çiləyicilər vasitəsi ilə həyata keçirilir. 

Qeyd edək ki, əkin sahələrinin ən başlıca problemlərindən biri çəyirtkələrlə bağlıdır. Bu ziyanvericilər taxıl məhsullarını, meyvə-tərəvəzi, pambığı, hətta meyvə ağaclarının yarpaqlarını məhv edir.

 

Nəzərə alınmalıdır ki, çəyirtkələr sürətlə çoxalır, bir ərazidən digər əraziyə sürətlə miqrasiya edir və digər həşəratlardan fərqli olaraq daha çox qidalanırlar. Bu həşəratlar sutka ərzində sürü ilə 30 kilometrdən, tək uçduqda isə 250 km-dən çox məsafəni qət edə bilir. Bir sahədə bitkiləri məhv etdikdən sonra dərhal digər sahəyə, rayona, hətta qonşu ölkə ərazisinə asanlıqla keçə bilirlər. Ona görə də mübarizə tədbirlərini qısa zamanda geniş şəkildə həyata keçirmək lazımdır ki, zərərin qarşısı tez bir zamanda alınsın.

 

Hazırda Dövlət Fitosanitar Nəzarət Xidmətinin əməkdaşları tərəfindən çəyirtkəkimiləri nəzarətdə saxlamaq məqsədi ilə monitorinqlər aparılır və çəyirtkəkimilərin sayının iqtisadi ziyanvermə həddindən çox olan ərazilərdə mübarizə tədbirləri həyata keçirilir.

BÖLMƏDƏN DİGƏR XƏBƏRLƏR

XƏBƏR LENTİ

17:16 21 İyul
09:20 21 İyul
TOP 5

VİDEO XƏBƏRLƏR

FOTO XƏBƏRLƏR

  • sabuncuda uc nefer denizde batmaq tehlukesi ile uzlesib
    Sabunçuda üç nəfər dənizdə batmaq təhlükəsi ilə üzləşib...
  • jurnalistler ucun tikilmis ikinci bina multimedia xidmetleri ile temennasiz techiz olunacaq
    Jurnalistlər üçün tikilmiş ikinci bina multimedia xidmətləri...
jurnalistler ucun tikilmis ikinci bina multimedia xidmetleri ile temennasiz techiz olunacaq jurnalistler ucun tikilmis ikinci bina multimedia xidmetleri ile temennasiz techiz olunacaq +2
MƏZƏNNƏ
FOREX
/ 21 İyul, 2017

USD
1.7012
 
EUR
1.9783
 
RR
0.0289
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ