Lerikdə 28 yaşayış məntəqəsini birləşdirən yol yenidən qurulur

Azərbaycan Avtomobil Yolları Dövlət Agentliyi tərəfindən Lerik rayonunun Piran-Hamarat-Vjaker avtomobil yolunun yenidən qurulmasına başlanılıb.

 

Agentlikdən “APA-Economics”ə verilən məlumata görə, Piran-Hamarat-Vjaker avtomobil yolu 26 km uzunluğa malik, torpaq və çınqıl örtüklüdür. Əsaslı şəkildə yenidən qurulmayan yolda qabarmalar və çökmələr əmələ gəlmiş və yol avtomobillərin istismarı üçün yarasız vəziyyətə düşüb. Qeyd edək ki, yolun hərəkət hissəsinin eni ərazilərdən  asılı olaraq  2,5-5 metr arası dəyişir. Sadalanan problemlər hərəkətdə, xüsusən payız-qış mövsümündə ciddi maneələrə səbəb olur. Bu səbəbdən  yolun yenidən qurulmasına zərurət yaranıb.

 

Agentlik tərəfindən yolun 20 km-lik hissəsi 4-cü texniki dərəcəyə uyğun olaraq  asfalt-beton örtüklü, qalan 6 km-lik hissəsi isə 5-ci texniki dərəcəyə uyğun çınqıl örtüklə yenidən qurulur. Bunun üçün yolun mövcud torpaq yatağının yararsız qruntu qazılaraq çıxarılır, yatağın genişləndirilməsi üçün dağ yamacları xüsusi mexanizmlə kəsilir. Ardınca qazılmış və genişləndirilmiş hissələrə yararlı qrunt tökülərək kipləşdirilir. Bu işlərin həcmi 350 min kubmetrdən artıqdır.

 

Bundan başqa, suötürücü borular və küvetlər olmadığı üçün yol yatağı və yol əsası sel suları nəticəsində yuyulduğundan yol boyu layihəyə uyğun olaraq avtoqreyderlə 22,5 min paqon-metr küvetlərin açılması və müxtəlif diametrdə 460 paqon-metr uzunluğunda suötürücü metal və dəmir-beton suötürücü boruların quraşdırılması və izolyasiyası, boru başlıqlarının dəmir betonla tikintisi işləri də aparılır. Yolu profilə salmaq məqsədi ilə 65 min kubmetr həcmdə karxana çınqılından hamarlayıcı qatın tikintisi işləri də görülür.

 

Texnoloji ardıcıllığa uyğun olaraq bunun ardınca yol əsasının tikintisi işləri aparılacaq. Yol əsasının alt layının tikintisi 20 sm hündürlükdə qum-çınqıl, üst layının tikintisi  isə 16 sm hündürlükdə optimal qum-çınqıl qarışığı ilə aparılması nəzərdə tutulub. Yol əsasının tikintisi 178 min kvadratmetr sahəni əhatə edəcək.

 

Bunun ardınca isə yolun asfaltlanması işlərinə start veriləcək. Əlaqələndirici bitum səpilməklə 120 min kvadratmetr sahəyə 12 sm qalınlıqda 2 laydan ibarət iri və xırda dənəli olmaqla asfalt-beton örtüyü döşənəcək.

 

Tikinti işlərinin sonuncu mərhələsində  layihə boyu 62 ədəd yol nişanı və məlumatverici lövhə, 52 ədəd km göstəricisi ,360 ədəd siqnal dirəyi quraşdırılacaq. 20 km uzunluğunda üfüqi nişanlanma xətlərinin çəkilişi işləri aparılmaqla müasir yol infrastrukturu yaradılacaq.

 

 

Yerli əhəmiyyətli Piran-Hamarat-Vjaker avtomobil yolu respublika əhəmiyyətli Lənkəran-Lerik avtomobil yolundan ayrılır və 9 min nəfər əhalinin yaşadığı 28 məntəqəni birləşdirir. Avtomobil yolu əhatə etdiyi yaşayış məntəqələrinin rayon mərkəzi və qonşu rayonlarla nəqliyyat əlaqəsinin yaxşılaşdırılmasında, həmçinin bölgədə turizmin və kənd təsərrüfatının inkişafında mühüm rol oynayacaq.

BÖLMƏDƏN DİGƏR XƏBƏRLƏR

XƏBƏR LENTİ

09:02 22 İyun
14:10 21 İyun
TOP 5

VİDEO XƏBƏRLƏR

FOTO XƏBƏRLƏR

  • iki ecnebinin saxta senedlerle serhedden kecmesinin qarsisi alinib
    İki əcnəbinin saxta sənədlərlə sərhəddən keçməsinin qarşısı ...
  • bakida ev yanib 2 nefer xilas edilib
    Bakıda ev yanıb, 2 nəfər xilas edilib
bakida ev yanib 2 nefer xilas edilib bakida ev yanib 2 nefer xilas edilib +2
MƏZƏNNƏ
FOREX
/ 22 İyun, 2018

USD
1.7
 
EUR
1.9658
 
RR
0.0267