Dövlət Gömrük Komitəsinin sədri Küveyt səfiri ilə görüşüb

dovlet gomruk komitesinin sedri kuveyt sefiri ile gorusub

Bu gün Dövlət Gömrük Komitəsinin (DGK) sədri Aydın Əliyev Küveytin Azərbaycandakı səfiri Səud Əbdüləziz Məhəmməd əl-Şəmlan əl-Ruminin başçılıq etdiyi nümayəndə heyəti ilə görüşüb.

 

DGK-nın Mətbuat Xidmətindən “APA-Economics”ə verilən məlumata görə, A. Əliyev ölkələrimiz arasında əlaqələrdən söhbət açıb, əməkdaşlığın davamlı olacağına əminliyini ifadə edib.

 

Ölkə iqtisadiyyatının formalaşmasında mühüm rolu olan gömrük işinin daha səmərəli və şəffaf şəkildə qurulması istiqamətində həyata keçirilən tədbirlər barədə məlumat verən Komitə sədri bu islahatların iş adamlarının çevik, səmərəli fəaliyyəti üçün mühüm imkanlar yaratdığını vurğulayıb.

 

A.Əliyev eyni zamanda, turizmin ölkəmizdə qeyri-neft sektorunun prioritet istiqamətlərindən biri olduğunu və milli iqtisadiyyatın inkişafı üzrə Yol Xəritəsində mühüm yer tutduğunu diqqətə çatdırıb. Son bir il ərzində bir sıra ölkələrin, o cümlədən Körfəz ölkələrinin vətəndaşları üçün hava limanlarında sadələşdirilmiş vizanın tətbiqi ilə Azərbaycana səyahət edən turistlərin sayının əhəmiyyətli dərəcədə artdığı da qeyd edilib. Ölkəmizə səyahət edən turistlərin daha rahat giriş-çıxışını təmin etmək üçün mövcud gömrük qaydaları barədə  də  qonaqlara ətraflı məlumat verilib.

 

Küveyt səfiri ölkəmizdə səfir kimi fəaliyyət göstərməsindən şərəf duyduğunu bildirib. Azərbaycanı və Körfəz ölkələrini ümumi maraqların birləşdirdiyini vurğulayan səfir Küveyt Dövlətinin Azərbaycanla münasibətləri bütün sahələrdə, eləcə də  gömrük xidməti sahəsində genişləndirməkdə maraqlı olduğunu bildirib.

 

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • gurcustanda beynelxalq xalca festivalinin acilisi olub
    Gürcüstanda Beynəlxalq Xalça Festivalının açılışı olub...
  • bakida meshur hind aktyoru ile gorus kecirilib
    Bakıda məşhur hind aktyoru ilə görüş keçirilib
bakida meshur hind aktyoru ile gorus kecirilib bakida meshur hind aktyoru ile gorus kecirilib +2
MƏZƏNNƏ
FOREX
/ 29 İyun, 2017

USD
1.7022
 
EUR
1.8999
 
RR
0.0285
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ