Moskvanın "Vnukovo" aeroportundan Qəbələ və Gəncəyə aviareyslər açılır

moskvanin vnukovo aeroportundan qebele ve genceye aviareysler acilir

Bu gündən etibarən "Azərbaycan Hava Yolları" QSC-nin (AZAL) aşağıbüdcəli brendi AZALJET Moskvanın "Vnukovo" hava limanından Azərbaycanın regionlarına - Gəncə və Qəbələyə müntəzəm reyslər yerinə yetirməyə başlayır.

 

APA-nın Moskva müxbirinin verdiyi məlumata görə, bununla bağlı Moskvada AZAL-ın vitse-prezidenti Eldar Hacıyev və "Vnukovo" hava limanının baş direktoru Vasili Aleksandrovun iştirakı ilə tədbir keçirilib.

Tədbirdə iştirak edən Azərbaycanın Rusiyadakı səfirliyinin müşaviri Şövqi Mehdizadə iki ölkə arasındakı münasibətlərdən danışıb. İqtisadi münasibətlərimizin yüksək səviyyədə olduğunu vurğulayan diplomat AZAL və "Vnukovo" hava limanı arasındakı əməkdaşlığın bu münasibətlərə töhfə verəcəyini qeyd edib.

 

E.Hacıyev isə çıxışında bildirib ki, bu gün Moskva-Gəncə, sabah isə Moskva-Qəbələ reysinin açılışı olacaq: "Bu Azərbaycana açılan yeni turistik reyslərdir. Fürsətdən istifadə edib Azərbaycanda istirahət etmək istəyən Rusiya vətəndaşlarını bu reyslərlə uçmağa dəvət edirik".

 

E. Hacıyev Moskva-Gəncə, Moskva-Qəbələ reyslərinə biletlərin qiymətinin 49 avrodan başladığını nəzərə çatdırıb: "Bu qiymətə əl yük daxildir. Bu ilin sonuna kimi bu rejimdə işləyəcəyik. 2017-ci ilin payızında Azərbaycanın yeni aviaşirkəti olan "Buta" fəaliyyətə başlayandan sonra artıq "Vnukovo"dan olan bu reysləri AZALJET deyil, "Buta" həyata keçirəcək. Fikrimcə, qiymətlər əvvəlki kimi qalacaq".


V.Aleksandrov isə çıxışında AZAL ilə münasibətlərdən məmnun olduğunu bildirib: "Hava limanımızın sərnişinləri də AZAL aviaşirkətindən məmnundur".

 

Qeyd edək ki, Moskva-Gəncə reysləri hər həftənin çərşənbə və şənbə günləri, Moskva-Qəbələ reysləri isə hər həftənin cümə axşamı günləri "Airbus A320" təyyarələri ilə yerinə yetiriləcək.

 

Hazırda AZAL Rusiyanın dörd şəhərinə müntəzəm reyslər həyata keçirir: "Vnukovo" ilə yanaşı, AZALJET Moskvanın "Domodedovo" hava limanına, Sankt-Peterburqun "Pulkovo", Mineralniye Vodı və Kazana reyslər yerinə yetirir. Həmçinin Gəncədən Sankt-Peterburqa müntəzəm aviareys həyata keçirilir.

 

Aviabiletlərin qiymətləri bir istiqamətə 49 avrodan başlayır. Reyslər çərçivəsində çəki konsepsiyası tətbiq olunacaq - baqajın daşınma qiyməti hər kiloqram üçün 2 avro təşkil edəcək.

BÖLMƏDƏN DİGƏR XƏBƏRLƏR

XƏBƏR LENTİ

18:33 25 Aprel
TOP 5

VİDEO XƏBƏRLƏR

FOTO XƏBƏRLƏR

  • fhn islam oyunlarina hazirliq meqsedi ile xususi taktiki telim kecirib
    FHN İslam Oyunlarına hazırlıq məqsədi ilə xüsusi taktiki təl...
  • azerbaycan litva hokumetlerarasi komissiyasinin novbeti iclasinin vaxti melum olub
    Azərbaycan-Litva hökumətlərarası komissiyasının növbəti icla...
azerbaycan litva hokumetlerarasi komissiyasinin novbeti iclasinin vaxti melum olub azerbaycan litva hokumetlerarasi komissiyasinin novbeti iclasinin vaxti melum olub +2
MƏZƏNNƏ
FOREX
/ 25 Aprel, 2017

USD
1.7022
 
EUR
1.8492
 
RR
0.0305
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ