Sabirabadda yeni su nasos stansiyası və beton kanalının açılışı olub

Sabirabad rayonunun Azadakənd kəndi ərazisində Kür çayından qidalanan, rayonun Sarxanbəyli, Moranlı, Bala Həşimxanlı və Ələmbəyli kəndlərinin əkin sahələrinin su ilə təminatını yaxşılaşdırmaq məqsədi ilə yeni suvarma kompleksinin açılışı olub.

 

APA-nın Mil-Muğan bürosunun xəbərinə görə, suqəbuledici qurğu olan stasionar nasos stansiyası, 3 kilometrlik iki boru xəttinin və uzunluğu 8 kilometr olan beton suvarma kanalının işə düşməsi ilə 11 min 498 hektar əkin sahəsi su ilə təmin olunacaq.

 

İki mərhələdən ibarət olan tikinti işlərinin birinci mərhələsi başa çatıb. Kanalın ümumi uzunluğu isə 24 km olacaq. Yeni stansiyanın su ötürmə qabiliyyəti 10 kubmetr/saniyədir.

 

Tikinti işləri zamanı uzunluğu 2880 paqonometr olan 4 boru xətti də inşa edilib. Torpaqbərkitmə və betonlanma işləri aparılıb. Tikinti işlərində yerli istehsal olan boru xətlərindən istifadə olunub.

 

"Meliorasiya və Su Təsərrüfatı" ASC-nin təşkilatçılığı ilə həyata keçən tikinti işlərinə 50-yə qədər müxtəlif növ texnika və 100-dən çox işçi qüvvəsi cəlb edilib.

 

Açılış mərasimində kənd sakinləri, rayon icra hakimiyyətinin rəhbərliyi, Milli Məclisin üzvləri və "Meliorasiya və Su Təsərrüfatı" ASC-nin rəhbərliyi iştirak edib.

BÖLMƏDƏN DİGƏR XƏBƏRLƏR

XƏBƏR LENTİ

17:16 21 İyul
TOP 5

VİDEO XƏBƏRLƏR

FOTO XƏBƏRLƏR

  • azerbaycan prezidenti rusiyaya sefer edib
    Azərbaycan prezidenti Rusiyaya səfər edib
  • sabuncuda uc nefer denizde batmaq tehlukesi ile uzlesib
    Sabunçuda üç nəfər dənizdə batmaq təhlükəsi ilə üzləşib...
sabuncuda uc nefer denizde batmaq tehlukesi ile uzlesib sabuncuda uc nefer denizde batmaq tehlukesi ile uzlesib +2
MƏZƏNNƏ
FOREX
/ 22 İyul, 2017

USD
1.7012
 
EUR
1.9783
 
RR
0.0289
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ