Bakıda ümumi tranzit proseduru və yeni kompüterləşdirilmiş tranzit sisteminə dair seminar keçirilir

bakida umumi tranzit proseduru ve yeni komputerlesdirilmis tranzit sistemine dair seminar kecirilir

Mayın 16-da Ümumdünya Gömrük Təşkilatının Bakı şəhərindəki Potensialın Gücləndirilməsi üzrə Avropa Regional Ofisində "Ümumi Tranzit Proseduru və Yeni Kompüterləşdirilmiş Tranzit Sistemi (NCTS) haqqında məlumatlandırma" mövzusunda seminar başlayıb.

 

Dövlət Gömrük Komitəsinin (DGK) Mətbuat Xidmətindən "APA-Economics"ə verilən xəbərə görə, seminar DGK-nın əməkdaşları üçün nəzərdə tutulub.

 

Tədbirin açılış mərasimində Komitənin Gömrük Nəzarətinin Təşkili Baş İdarəsinin rəis müavini, gömrük xidməti polkovniki Səməd Qaralov Azərbaycanın tranzit potensialının artırılması istiqamətində Prezident İlham Əliyevin həyata keçirdiyi siyasət barədə məlumat verib. Bildirilib ki, Bakı-Tbilisi-Qars dəmir yolu xətti, Bakı Beynəlxalq Dəniz Ticarət Limanı və Şimal-Cənub nəqliyyat dəhlizi kimi layihələr ölkənin beynəlxalq ticarətdəki rolunu artırmaqla yanaşı, Şimal-Cənub, Şərq-Qərb və əks istiqamətlərdə yüklərin asan və sürətli şəkildə daşınmasına münbit şərait yaradacaq.

 

Səməd Qaralov Azərbaycan Respublikasının Yeni Kompüterləşdirilmiş Tranzit Sisteminə üzvlüyü ilə bağlı görülən işlərdən və bu sistemin ölkənin tranzit potensialının artırılması sahəsində əhəmiyyətindən də bəhs edib.

 

Ekspertlər adından Slovakiya Respublikası Maliyyə Direktorluğunun gömrük bölməsinin direktor müavini Marian Çodak Azərbaycan Gömrük Xidməti ilə əməkdaşlıqdan məmnunluq duyduqlarını bildirib və seminarın gömrük nəzarəti və beynəlxalq ticarətin səmərəli həyata keçirilməsi işinə töhfə verəcəyinə ümidvar olduğunu bildirib.

 

Seminar zamanı ekspertlər Marian Çodak, Miroslav Bujna və Aivaras Piqaqa "Çıxış və təyinat gömrük orqanlarında həyata keçirilən sadələşdirilmiş prosedurlar" , "Araşdırma/Borcun ödənilməsi proseduru", "Gömrük təminatı", "NCTS-də informasiya texnologiyaları məsələləri", "Tranzit üçün Avtomatlaşdırılmış Zəmanət İdarəetmə Sistemi" və digər mövzularda iştirakçıları məlumatlandıracaq.

 

Seminar bu gün başa çatacaq.

 

 

BÖLMƏDƏN DİGƏR XƏBƏRLƏR

XƏBƏR LENTİ

Video
09:11 21 May
13:45 20 May
TOP 5

VİDEO XƏBƏRLƏR

FOTO XƏBƏRLƏR

  • azerbaycan gurcustandan mal qara idxalini 2 7 defe artirib
    Azərbaycan Gürcüstandan mal-qara idxalını 2,7 dəfə artırıb...
  • allahsukur pasazade cumhuriyyetin isgalindan sonra bolsevikler ruhanileri sibire surgun edib ve ekseriyyetini gulleleyibler
    Allahşükür Paşazadə: "Cümhuriyyətin işğalından sonra bolşevi...
allahsukur pasazade cumhuriyyetin isgalindan sonra bolsevikler ruhanileri sibire surgun edib ve ekseriyyetini gulleleyibler allahsukur pasazade cumhuriyyetin isgalindan sonra bolsevikler ruhanileri sibire surgun edib ve ekseriyyetini gulleleyibler +2
MƏZƏNNƏ
FOREX
/ 21 May, 2018

USD
1.7
 
EUR
1.9978
 
RR
0.0273