SOCAR OPEC-in razılaşmasındakı boşluqdan istifadə edib - TƏHLİL

socar opec in razilasmasindaki bosluqdan istifade edib tehlil

Dünya üzrə, o cümlədən ABŞ, Böyük Britaniya və Braziliyadan olan neft treyderləri Asiyaya satışları artırıb. "APA-Economics" "Reuters" agentliyinə istinadən xəbər verir ki, treyderlər OPEC ölkələri tərəfindən hasilatın azaldılmasına dair əldə olunan razılaşma nəticəsində yaranan boşluqdan istifadə edib.

 

Tədqiqatların nəticəsi göstərir ki, bu ay 30-dək supertanker uzaq məsafəyə səfərə çıxaraq Amerikadan, həmçinin Şimal və Aralıq dənizlərindən əldə etdiyi xam nefti Asiyadakı neft emalı zavodlarına çatdırıb. Məhz bu bölgə dünyanın ən iri və sürətlə inkişaf edən bazarı hesab olunur.

 

Bildirilir ki, tankerlərin bu cür qeyri-adi yerdəyişmələri OPEC və kartelə üzv olmayan ölkələr tərəfindən sutkalıq hasilatın 1,8 mln. barel azaldılmasına dair razılaşmanın əldə olunmasından sonra baş verib.

 

Daşımalarda daha aktiv iştirak edən şirkətlər arasında BP, "Royal Dutch Shell", "Trafigura", "Vitol", "Mercuria" və "Unipec" kimi treyderlərin adını qeyd etmək olar.

"Glencore", SOCAR və "Petrobras" da daşımalarda aktiv şəkildə iştirak edib.


"Treyderlər daşımaların nisbətən aşağı qiymətə olmasından və müxtəlif regionlarda neftin qiymətindəki fərqdən istifadə edərək gəlir edib. Belə ki, bir regionda xammal defisiti olduğu halda, digər regionda əks proses müşahidə olunur", - deyə adının açıqlanmasını istəməyən treyder bildirib.

 

Məsələn, hazırda WTI markalı neftin 1 barelinin dəyəri 54,50 dollar təşkil etdiyi halda, "Brent" markalı neftin 1 barelinin dəyəri 56,90 dollardır. Beləliklə, qiymətlərin arasına 2,40 dollarlıq fərq yaranır. Halbuki, OPEC tərəfindən hasilatın azaldılmasına dair razılaşma əldə olunanadək fərq sıfıra bərabər olub.
 

Nəql qrafiki göstərir ki, ABŞ-dan Asiyaya bu ay 3,5 mln. barel xam neft daşınıb. Oktyabrda bu göstərici 1 mln. barel olub. Britaniyadan Asiya istiqamətində daşımaların həcmi 1,6 mln. bareldən 10,5 mln. barelədək artıb.


Braziliyadan Asiya istiqamətində daşınan xam neftin həcmi tarixi rekord yeniləyərək 16,7 mln. barelə çatıb. Qeyd edək ki, oktyabrda Braziliyadan Asiyaya 6,9 mln. barel xam neft nəql edilib.

Qrafiklər göstərir ki, bu tendensiya martda da qorunacaq.

BÖLMƏDƏN DİGƏR XƏBƏRLƏR

XƏBƏR LENTİ

16:02 26 İyun
TOP 5

VİDEO XƏBƏRLƏR

FOTO XƏBƏRLƏR

  • silahli quvvelerde aciq qapi gunu kecirilib
    Silahlı Qüvvələrdə “Açıq qapı” günü keçirilib
  • bakida top mermisi tapilib
    Bakıda top mərmisi tapılıb
bakida top mermisi tapilib bakida top mermisi tapilib +2
MƏZƏNNƏ
FOREX
/ 26 İyun, 2017

USD
1.7022
 
EUR
1.8999
 
RR
0.0285
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ