Azərbaycan təmsilçiləri “İTB Berlin” beynəlxalq turizm sərgisində iştirak edirlər

Bakı – APA. Berlin şəhərində “İTB Berlin” beynəlxalq turizm sərgisi keçirilir.

 

Azərbaycanın Almaniyadakı səfirliyinin mətbuat xidmətindən APA-ya verilən məlumata görə, sərgidə ölkəmiz Mədəniyyət və Turizm Nazirliyinin Turizm şöbəsinin müdiri Aydın İsmiyevin başçılıq etdiyi nümayəndə heyəti, Azərbaycan Dövlət Mahnı və Rəqs Ansamblının üzvlərindən ibarət heyət, eləcə də Bakı Turizm İnformasiya Mərkəzi, Azərbaycan Turizm Assosiasiyası, Azərbaycan Konqreslər Bürosu, 13 yerli turizm şirkəti və 3 mehmanxananın nümayəndələri ilə təmsil olunur.

 

Azərbaycan təmsilçiləri 104 m²-lik stenddə Azərbaycanın turizm potensialını nümayiş etdirməklə yanaşı, zəngin mədəniyyətini də təbliğ edirlər.

 

Martın 5-də “İTB Berlin” sərgisində Azərbaycanın milli stendində tədbir keçirilib. “İTB Berlin” sərgisində iştirak edən turizm şirkətlərinin nümayəndələri, beynəlxalq turizm sənayesinin təmsilçiləri, turizm sahəsi üzrə ekspertlər və mətbuat nümayəndələrinin qatıldığı tədbirdə ölkəmizin turizm imkanları haqqında təqdimat olub.

 

Azərbaycanın Almaniyadakı səfiri Pərviz Şahbazov tədbirdə çıxış edib. Səfir ölkəmizdə turizm infrastrukturunun inkişafına yönələn fəaliyyətdən, “İTB Berlin” sərgisi ilə uğurlu əməkdaşlıqdan, Azərbaycanın yaxınlarda Bakı 2015 I Avropa Oyunları kimi mötəbər beynəlxalq tədbirə ev sahibliyi edəcəyindən danışıb. 

 

Azərbaycan Dövlət Mahnı və Rəqs Ansamblının üzvləri rəqs proqramı ilə çıxış edib. Çıxışlardan sonra tədbirdə iştirak edən 25-dək beynəlxalq turizm şirkətinin nümayəndələri Azərbaycan stendində təmsil olunan şirkətlərinin təmsilçiləri ilə biznes görüşləri üçün bir araya gəliblər, əməkdaşlıq imkanlarını müzakirə ediblər. Tədbir iştirakçıları Azərbaycan mətbəxinin nümunələrinə qonaq edilib.

 

“İTB” beynəlxalq turizm sərgisi hər il ənənəvi olaraq “Messe Berlin” sərgi kompleksində, 160 min m² təşkil edən ərazidə və 26 sərgi zalında təşkil olunur. Bu il keçirilən sərgidə 180 ölkədən 10 mindən artıq nəfər iştirak edib.

 

Ölkəmiz “İTB Berlin” beynəlxalq turizm sərgisində 2002-ci ildən hər il təmsil olunur. 

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • iki vaz 2107 toqqusub 3 nefer xesaret alib
    İki "VAZ 2107" toqquşub, 3 nəfər xəsarət alıb
  • bakida qeyri qanuni taksi fealiyyeti gosteren suruculer cezalandirilib
    Bakıda qeyri-qanuni taksi fəaliyyəti göstərən sürücülər cəza...
bakida qeyri qanuni taksi fealiyyeti gosteren suruculer cezalandirilib bakida qeyri qanuni taksi fealiyyeti gosteren suruculer cezalandirilib +2
MƏZƏNNƏ
FOREX
/ 24 Mart, 2017

USD
1.7202
 
EUR
1.8529
 
RR
0.0298
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ