Bakıda sərgilərdə iştirakın səmərəsinin artırılmasına həsr olunmuş seminar keçiriləcək

Bakı. Nicat Mustafayev – APA-Economics. Gələn il yanvarın 12-də Böyük Britaniyanın «ITE Group» şirkətinin Qafqazdakı eksklüziv tərəfdaşı olan «Iteca Caspian» şirkətinin təşkilatçılığı ilə Bakıda «Sərgilərdə iştirakın səmərəsini necə artırmaq olar» mövzusunda seminar keçiriləcək.

«Iteca Caspian» şirkətindən «APA-Economics»ə verilən məlumata görə, potensial sərgi iştirakçıları sərgi biznesinin nəzəriyyəsi və praktikası üzrə ümumi ədəbiyyatın çatışmazlığını hiss edir: «Buna görə də, sözügedən seminarın keçirilməsi aktual hesab olunur. Belə ki, bu seminar sayəsində sərgilərdə maksimum nəticə əldə etmək üçün nəyi və necə etmək lazım olduğu barədə sualları cavablandırmaq asanlaşacaq. Seminarın məqsədi sərgi təcrübəsini sistemləşdirmək və artırmaq, həmçinin şirkətlərin özlərinə kənardan qiymət vermələrinə və sərgilərdə iştiraka hazırlaşarkən tez-tez yol verilən səhv və stereotiplərdən azad olmalarına imkan yaratmaqdır».

Seminarda sərgi öncəsi marketinq, məqsədlərin təyin edilməsi, stenddə çalışacaq heyətin hazırlaşdırılması, stendin dizayn və tərtibatı, ziyarətçilərlə iş, sərgidə iştirak nəticələrinin qiymətləndirilməsi və s. toxunulacaq. Seminar iştirakçılarına «Sərgilərdən maksimum faydalanmanın yolları» adlı tədris vəsaiti paylanılacaq: «Seminar şirkət direktorları, satış və marketinq üzrə direktor və menecerlər, habelə şirkətin sərgiyə hazırlığı üzrə məsul işçilərə tövsiyə olunur».

Qeyd edək ki, seminar Rusiyanın «EkspoEffekt» sərgilər üzrə məsləhət agentliyinin baş direktoru və «Sərgilərdən maksimum faydalanmanın yolları» adlı tədris vəsaitinin müəllifi Nikolay Karasev tərəfindən aparılacaq.

BÖLMƏDƏN DİGƏR XƏBƏRLƏR

XƏBƏR LENTİ

17:36 27 Mart
TOP 5

VİDEO XƏBƏRLƏR

FOTO XƏBƏRLƏR

  • quba qusar yolunda iki avtomobil toqqusub iki nefer olub bes nefer xesaret alib yenilenib
    Quba-Qusar yolunda iki avtomobil toqquşub, iki nəfər ölüb, b...
  • azerbaycan ve ozbekistan arasinda demir yolu sahesinde emekdasliga dair protokol imzalanib
    Azərbaycan və Özbəkistan arasında dəmir yolu sahəsində əməkd...
azerbaycan ve ozbekistan arasinda demir yolu sahesinde emekdasliga dair protokol imzalanib azerbaycan ve ozbekistan arasinda demir yolu sahesinde emekdasliga dair protokol imzalanib +2
MƏZƏNNƏ
FOREX
/ 28 Mart, 2017

USD
1.7201
 
EUR
1.8654
 
RR
0.0302
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ