Bakıda “WorldFood Azerbaijan-2012” sərgisi işə başlayıb - FOTOSESSİYA - YENİLƏNİB

Bakı. Nicat Mustafayev - APA-Economics. Bu gün Bakıda Böyük Britaniyanın “ITE Group” şirkətinin Qafqazdakı eksklüziv tərəfdaşı olan “Iteca Caspian” şirkətinin təşkilatçılığı ilə XVIII Azərbaycan Beynəlxalq Qida Sənayesi Sərgisi (“WorldFood Azerbaijan-2012”) işə başlayıb.
APA-Economics”İn xəbərinə görə, tədbirin açılış mərasimində çıxış edən Azərbaycanın kənd təsərrüfatı naziri İsmət Abasov bildirib ki, kənd təsərrüfatı Azərbaycanın qida sənayesinin inkişafında mühüm rol oynayır. Nazir kənd təsərrüfatı məhsulları istehsalçılarını məhsul istehsalını artırmağa çağırıb: “Bu, ölkənin ərzaq təhlükəsizliyinin təmin olunmasında vacib rol oynayacaq”.

Qeyd edək ki, mayın 17-dək davam edəcək sərgidə 24 ölkədən 120 şirkət iştirak edir. Səudiyyə Ərəbistanı, Əfqanıstan, Braziliya, Misir və Serbiya şirkətləri sərgiyə ilk dəfədir qatılır. Sərgidə eyni zamanda Azərbaycan, Türkiyə, Ukrayna, Rusiya, Almaniya, Norveç, Belçika, Niderland və digər ölkələr iştirak edir.

“WorldFood Azerbaijan-2012” sərgisi bir meydançada “WorldFood”, “WorldDrink” və “WorldFoodTech” kimi tematik sərgiləri bir araya gətirməklə qida sənayesinin faktiki olaraq bütün sahələrini əhatə edir. Ümumilikdə isə sərgidə mal və quş əti, konservləşdirilmiş ərzaq, dondurma, baqqaliyyə məhsulları, inqrediyentlər, soyutma sistemləri, qənnadı məmulatları, içkilər, habelə qida sənayesinin müxtəlif sahələri, super-marketlər, laboratoriya təhlilləri və s. üçün avadanlıqlar nümayiş olunur.

”WorldFood Azerbaijan-2012” ilə yanaşı, VI Azərbaycan Beynəlxalq Kənd Təsərrüfatı (“AgriHort Azerbaijan”), I Xəzər Beynəlxalq “Qablaşdırma, Tara, Etiket və Poliqrafiya” (“IPACK Caspian”) və II Xəzər Beynəlxalq “Plastik Kütlələr və Kauçuk” (Plastex Caspian) sərgiləri də keçiriləcək.

Qeyd edək ki, sərgi Azərbaycanda İxracın və İnvestisiyaların Təşviqi Fondu (Azpromo) və Azərbaycan Sahibkarlar Konfederasiyası (ASK) tərəfindən dəstəklənir. Sərginin rəsmi «online» informasiya tərəfdaşı APA İnformasiya Agentliyidir.

BÖLMƏDƏN DİGƏR XƏBƏRLƏR

XƏBƏR LENTİ

Video
10:05 27 İyun
16:02 26 İyun
TOP 5

VİDEO XƏBƏRLƏR

FOTO XƏBƏRLƏR

  • tiflisde berpadan sonra neriman nerimanovun ev muzeyinin acilisi olub
    Tiflisdə bərpadan sonra Nəriman Nərimanovun ev muzeyinin açı...
  • prezident ilham eliyev polsa senatinin marsali ile gorusub
    Prezident İlham Əliyev Polşa Senatının marşalı ilə görüşüb ...
prezident ilham eliyev polsa senatinin marsali ile gorusub prezident ilham eliyev polsa senatinin marsali ile gorusub +2
MƏZƏNNƏ
FOREX
/ 27 İyun, 2017

USD
1.7022
 
EUR
1.8999
 
RR
0.0285
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ