Sabah Bakıda beynəlxalq neft-qaz sərgisi başlayır - FOTO

Bakı. Əli Əhmədov – APA-Economics. İyunun 5-8-də Bakı Ekspo Mərkəzində Xəzəryanı regionun neft-qaz sektorunda ən böyük tədbir sayılan XIX Beynəlxalq «Xəzər neft, qaz, neftayırma və neft kimyası» (Caspian Oil and Gas) sərgisi və konfransı keçiriləcək.
«APA-Economics»in məlumatına görə, bu münasibətlə bu gün keçirilən mətbuat konfransında sərginin əsas təşkilatçıları olan Böyük Britaniyanın «ITE Group Plc.» şirkəti və onun tərəfdaşı «Iteca Caspian» şirkətinin nümayəndələri bildiriblər ki, sərgi və konfransa hökumət strukturları tərəfindən xüsusi diqqət və dəstək göstərilir: «Azərbaycan prezidenti İlham Əliyevin sərginin açılış mərasimində iştirak etməsi sərginin yüksək statusunu bir daha vurğulayır. Ölkə başçısı hər il olduğu kimi, bu il də sərginin rəsmi kataloqu üçün iştirakçı və qonaqların ünvanına salamlama məktubu göndərib».

Ənənəvi olaraq, «Caspian Oil and Gas» layihəsinə Azərbaycan Dövlət Neft Şirkəti (ARDNŞ) və Azərbaycan Sənaye və Energetika Nazirliyi tərəfindən də dəstək göstərilir.

«Caspian Oil & Gas-2012» sərgi-konfransında müxtəlif ölkələrdən yüksək rütbəli qonaqların, o cümlədən Gürcüstanın energetika naziri Aleksandr Xetaquri, Litvanın energetika naziri Arvidas Sikmokas, İranın neft naziri Rostam Kazeminin iştirakı nəzərdə tutulub.

«Caspian Oil & Gas-2012» sərgisində dünyanın 35 ölkəsindən 304 şirkətin iştirak edəcəyi gözlənilir. «ITE Group» şirkətinin Xəzər üzrə regional direktoru Eduard Stroonun sözlərinə görə, ötən ilə nisbətən sərgi iştirakçılarının sayı 15% artıb.

Böyük Britaniya, Almaniya, Çin, Rusiya, Türkiyənin milli qrupları üçün pavilyonlar əvvəlcədən sifariş olunub. Həmçinin, MDB, Avropa və Şərqi Asiya ölkələrindən şirkətlərin sayı da əhəmiyyətli dərəcədə artıb. İlk dəfə olaraq, bu il sərgidə Vyetnam şirkətləri də iştirak edəcək. Sərgi sahəsinin 40%-ni dünya şöhrətli şirkətlər tutur və onların əksəriyyəti «Caspian Oil & Gas» sərgisinin daimi iştirakçısıdır.

Ekspozisiya sahəsinin 59%-ni xarici şirkətlər tutur. Qalan ekspozisiya sahələri isə yerli istehsalçılar və xarici şirkətlərin yerli nümayəndəlikləri üçün ayrılıb. Ekspozisiyanın 10%-ni əvvəllər Azərbaycan bazarında fəaliyyət göstərməmiş yeni şirkətlər təşkil edir. Bütövlükdə, bütün sərgi ekspozisiyasının ümumi artımı 15% olub.

Həmçinin, sərgi və konfransa sponsorluq edən şirkətlərin siyahısı da tədbirin yüksək statusunu vurğulayır və bu il həmin siyahıya rekord sayda şirkət (21) daxildir. Belə ki, «Caspian Oil & Gas-2012» sərgisinin baş sponsoru «BP-Azerbaijan», qızıl sponsorları isə ARDNŞ və «Andrade Gutierrez» şirkətidir.

Sərgi çərçivəsində keçiriləcək eyni adlı konfrans iyunun 6-da başlayacaq və burada 550 nümayəndə iştirak edəcək. Konfrans iştirakçıları arasında müxtəlif ölkələrin yüksək vəzifəli nümayəndələri və regionun neft-qaz sənayesinin aparıcı şirkətlərinin rəsmiləri olacaq.

BÖLMƏDƏN DİGƏR XƏBƏRLƏR

XƏBƏR LENTİ

05:54 29 İyun
TOP 5

VİDEO XƏBƏRLƏR

FOTO XƏBƏRLƏR

  • neftin qiymeti psixoloji baryeri asib
    Neftin qiyməti psixoloji baryeri aşıb
  • vasinqtonda 2 ci trans xezer serq qerb ticaret ve tranzit forumu cercivesinde abs konqresi ve dunya bankinda tedbirler teskil edilib
    Vaşinqtonda 2-ci Trans-Xəzər Şərq-Qərb Ticarət və Tranzit Fo...
vasinqtonda 2 ci trans xezer serq qerb ticaret ve tranzit forumu cercivesinde abs konqresi ve dunya bankinda tedbirler teskil edilib vasinqtonda 2 ci trans xezer serq qerb ticaret ve tranzit forumu cercivesinde abs konqresi ve dunya bankinda tedbirler teskil edilib +2
MƏZƏNNƏ
FOREX
/ 29 İyun, 2017

USD
1.7022
 
EUR
1.8999
 
RR
0.0285
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ