Bakıda "Əlimərdan bəy Topçubaşov. Seçilmişlər" adlı kitabın təqdimatı olub

Bakı. Məlahət Nəcəfova - APA. ADA Universitetində Azərbaycanın Polşadakı səfiri Həsən Həsənov tərəfindən tərtib edilən "Əlimərdan bəy Topçubaşov. Seçilmişlər" adlı dörd cildli əsərlər toplusunun təqdimat mərasimi keçirilib. 

 
APA-nın məlumatına görə, tədbir Azərbaycan prezidentinin müvafiq sərəncamına uyğun olaraq Azərbaycan Xalq Cümhuriyyətinin banilərindən biri Əlimərdan bəy Topçubaşovun anadan olmasının 150 illiyinə həsr edilmiş tədbirlərin davamı kimi təşkil olunub.

 

Tədbirdə çıxış edən kitabın müəllifi Həsən Həsənov Əlimərdan bəy Topçubaşovun həyat və ictimai-siyasi fəaliyyəti barədə məlumat verib. O qeyd edib ki, kitabın 4 cildli olmasının səbəbi onun həyatının Azərbaycan tarixinin mərhələləri ilə üst-üstə düşməsidir. H. Həsən bildirib ki, "Kaspi" qəzetinin baş redaktoru olması Ə. Topçubaşova Rusiyada məşhurluq gətirib. O əlavə edib ki, onun ağıllı siyasəti nəticəsində Azərbaycanın dövlət müstəqilliyi o dövrdə tanınıb. 
 

Səfir Ə. Topçubaşovun şəxsi arxivinin Fransada olduğunu və hələ də araşdırılmadığını əlavə edib.  
 

Kitabın redaktoru, Azərbaycanın Macarıstandakı səfiri Vilayət Quliyev isə kitabın nəşr edilməsi ilə Ə. Topçubaşova abidə qoyulduğunu bildirib. 
 

Təqdimat mərasimində Milli Məclisin Mədəniyyət komitəsinin sədri Rəfael Hüseynov çıxış edib, Xarici Işlər Nazirliyi tərəfindən maliyyələşdirilən “Əlimərdan bəy Topçubaşov” adına təqaüdü qazanan ADA Universitetinin  əcnəbi tələbələrinə fəxri fərmanlar təqdim edilib. 
 

Qeyd edək ki, rus dilində nəşr edilən "Əlimərdan bəy Topçubaşov. Seçilmişlər" adlı əsərlər toplusunun I cildi ictimai xadimin jurnalist fəaliyyətinə, II cildi siyasi-ictimai fəaliyyətinə, III cildi dövlət xadimi kimi fəaliyyətinə, IV cildi isə mühacirətdəki fəaliyyətinə həsr olunub.  

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • www esgeremektub com vasitesi ile ilk mektublar esgerlere catdirilib fotosessiya
    “www.esgeremektub.com” vasitəsi ilə ilk məktublar əsgərlərə ...
  • erdogan ppk ve feto ile bagli abs a xeberdarliq edib
    Ərdoğan PPK və FETÖ ilə bağlı ABŞ-a xəbərdarlıq edib...
erdogan ppk ve feto ile bagli abs a xeberdarliq edib erdogan ppk ve feto ile bagli abs a xeberdarliq edib +2
MƏZƏNNƏ
FOREX
/ 26 İyun, 2017

USD
1.7022
 
EUR
1.8999
 
RR
0.0285
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ