Şəkidə TÜRKSOY-a üzv ölkələrin mədəniyyət nazirlərinin toplantısı keçirilib

Şəki şəhərində TÜRKSOY-a üzv ölkələrin mədəniyyət nazirlərinin Daimi Şurasının 34-cü toplantısı keçirilib.

 

APA-nın Şəki-Zaqatala bürosunun məlumatına görə, toplantıda Azərbaycanın mədəniyyət və turizm naziri Əbülfəs Qarayev, TÜRKSOY-un baş katibi Düsen Kaseinov, Şəki rayon İH-nin başçısı Elxan Usubov, TÜRKSOY-a üzv ölkələrin nümayəndə heyətləri iştirak edib. Toplantı iştirakçıları əvvəlcə AMEA Tarix İnstitutunun Azərbaycan və türk dünyasının tarix və mədəniyyətinə dair çap etdirdiyi kitabların sərgisinə baxıblar.

 

Tədbirin açılış hissəsində Ə. Qarayev, D. Kaseinov, üzv ölkələrin nümayəndə heyətlərinin rəhbərləri qısa çıxış ediblər. Ə. Qarayev deyib ki, bu günlərdə Efiopiyada UNESCO-nun maddi-mədəni irsin qorunmasına dair növbəti toplantısı keçirilib və türkdilli ölkələrin səyi nəticəsində lavaş və yuxa milli brend olaraq siyahıya daxil edilib. Beləliklə də, ermənilərin uzun illərdən bəri irəli sürdüyü iddialara son qoyulub.

 

Toplantı çərçivəsində TÜRKSOY-un baş katibinin qurum tərəfindən 2016-cı ildə həyata keçirilmiş layihələrə dair, eləcə də Şəki şəhər İcra Hakimiyyəti başçısının “Türk dünyasının mədəniyyət paytaxtı” elan olunan Şəki şəhərində il ərzində həyata keçirilən mədəni-kütləvi tədbirlər barədə hesabatları dinlənilib. Bundan əlavə, iclasda 2017-ci il üçün türk dünyasının mədəniyyət paytaxtı olacaq şəhərin seçilməsi ilə bağlı təkliflərə baxılıb, yekun bəyannamə və sənədlər imzalanıb. Qazaxıstanın Türküstan şəhəri 2017-ci il üçün türk dünyasının mədəniyyət paytaxtı elan edilib.
 

Toplantı iştirakçıları daha sonra Sabit Rəhman adına Şəki Dövlət Dram Teatrının foyesində TÜRKSOY-un rəsm sərgisinin açılışına qatılıb. TÜRKSOY-un təsviri sənət sahəsində xüsusi mükafatı təqdim edilib. “Türk dünyasının mədəniyyət paytaxtı - Şəki 2016” ilinin bağlanış mərasimində rəmzi simvol Qazaxıstanın Türküstan şəhər rəhbərliyinə təqdim olunub. 

BÖLMƏDƏN DİGƏR XƏBƏRLƏR

XƏBƏR LENTİ

12:12 25 İyul
TOP 5

VİDEO XƏBƏRLƏR

FOTO XƏBƏRLƏR

  • imtahandan qayidan neftcalali abituriyent itkin dusub
    İmtahandan qayıdan neftçalalı abituriyent itkin düşüb
  • mingecevirde avtomobil qezasinda iki nefer xesaret alib
    Mingəçevirdə avtomobil qəzasında iki nəfər xəsarət alıb...
mingecevirde avtomobil qezasinda iki nefer xesaret alib mingecevirde avtomobil qezasinda iki nefer xesaret alib +2
MƏZƏNNƏ
FOREX
/ 26 İyul, 2017

USD
1.7012
 
EUR
1.9839
 
RR
0.0284
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ