Bakı. Mübariz Aslanov-APA. Bu gün Azərbaycan Milli Məclisində UNİCEF-in dəstəyi ilə “Uşaq hüquqları və biznes prinsipləri” mövzusunda dəyirmi masa keçirilir. APA-nın məlumatına görə, vitse-spiker Bahar Muradovanın sədrliyi ilə keçən toplantıda deputatlardan Hadı Rəcəbli, Ziyad Səmədzadə, Vahid Əhmədov və digərləri, eyni zamanda UNİCEF-in Bakı nümayəndəliyinin rəhbəri Mark Herevard, BMT-nin rezident koordinatoru Antonios Broek, bir sıra yerli və xarici ekspertlər iştirak edirlər.
Tədbirdə şirkətlərin uşaq hüquqlarına hörmət etmələri və onları dəstəkləmələrini təmin etmək üçün əsas prinsiplər toplusu müzakirə ediləcək.
B. Muradova qeyd edib ki, Azərbaycan elə ölkələrdəndir ki, burada uşaq hüquqları əksər ölkələrdən qat-qat yaxşıdır: “Amma bu o demək deyil ki, bu sahədə bizdə problem yoxdur. Yenə də bizdə uşaq əməyindən istifadə olunur, himayədən məhrum olan uşaqlar var və bir sıra biznes strukturlarında uşaqlardan işçi kimi istifadə olunur”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
