Azərbaycan prezidenti Bərdədə 866 məcburi köçkün ailəsi üçün yeni salınmış məhəllə ilə tanış olub

Azərbaycan prezidenti Bərdədə 866 məcburi köçkün ailəsi üçün yeni salınmış məhəllə ilə tanış olub
# 10 sentyabr 2013 12:38 (UTC +04:00)

APA-nın məlumatına görə, dövlət başçısı məhəllədə tikilən 280 yerlik uşaq bağçasına baxış keçirib. Bağça ilə tanışlıq zamanı dövlətimizin başçısına məlumat verilib ki, binada tikinti işləri yüksək səviyyədə həyata keçirilib.

Sonra prezident 540 yerlik Ağdam rayon 1 nömrəli məcburi köçkün tam orta məktəbində yaradılmış şəraitlə tanış olub.

Dövlətimizin başçısı məhəllənin baş planına da baxıb.

Bildirilib ki, məhəlləyə 866 ailə və ya 3900 məcburi köçkün köçürüləcək. Həmin ailələrin 700-ü Ağdam, qalanları isə digər rayonlardan olan məcburi köçkünlərdir. Məhəllənin ərazisi 16 hektardır. Mənzillərin 70-i birotaqlı, 430-u ikiotaqlı, 325-i üçotaqlı, 25-i isə dördotaqlıdır. Burada klub-icma mərkəzi, tibb məntəqəsi və ATS tikilib. Su, elektrik və qaz təchizatı şəbəkələri Bərdə rayonunun kommunikasiyalarına qoşulub. Məhəllənin tikintisinə 2012-ci ilin fevralında başlanılıb və bu ilin sentyabrında başa çatdırılıb.

Dövlət başçısı daha sonra Ağdam rayonundan məcburi köçkün, şəhid ailəsi Səfurə Hüseynovanın mənzilində olub.

#
#

ƏMƏLİYYAT İCRA OLUNUR