Salyan. Əlibəy Zeynallı - APA. Salyanda balıq ovlayan Astara sakinini elektrik cərəyanı vuraraq, öldürüb.
APA-nın Mil-Muğan bürosunun məlumatına görə, Salyan rayonunun Şorsulu kəndində kanalda balıq tutan Astara rayon Pensər kənd sakini, 1988-ci il təvəllüdlü Həsənov Ramiq Məsləhət oğlunu elektrik cərəyanı vurub. Balıq ovu zamanı tilovunu yüksək gərginlikli elektrik xəttinə toxunduran balıqçı hadisə yerində ölüb.
Faktla bağlı Salyan Rayon Prokurorluğunda araşdırma aparılır.