Bakı-APA. ABŞ prokurorluğu İranın BMT-dəki missiyasının məsləhətçisi Əhməd Şeyxzadəyə qarşı bir neçə ittiham irəli sürüb.
APA-nın Reuters agentliyinə istinadən verdiyi məlumata görə, ittihamlar İrana qarşı sanksiyalar, çirkli pulların yuyulması və vergi qanunvericiliyinin pozulması ilə bağıdır.
Nyu-Yorkda keçirilən məhkəmə iclasından sonra Əhməd Şeyxzadənin vəkili ittihamlarla qəti şəkildə razılaşmadıqlarını bəyan edib. İrəli sürülən ittihamların təfərrüatları barədə məlumat verilmir.