Putin Dövlət Dumasının və Federasiya Şurasının qəbul etmədiyi qanunu təsdiqləyib

Putin Dövlət Dumasının və Federasiya Şurasının qəbul etmədiyi qanunu təsdiqləyib
# 06 iyul 2016 05:49 (UTC +04:00)

Bakı-APA. Rusiya prezidenti Vladimir Putin Dövlət Duması tərəfindən qəbul edilməmiş və Federasiya Şurası tərəfindən bəyənilməmiş qanunu imzalayıb. Prezident Aparatı hazırda bu anlaşılmaz halı araşdırır.

APA-nın RBK-ya istinadən verdiyi xəbərə görə, Vladimir Putinin Milli Qvardiyanın yaradılması ilə bağlı imzaladığı qanunlardan birinin mətni Dövlət Duması tərəfindən qəbul edilmiş və Federasiya Şurası tərəfindən bəyənilmiş qanunun mətnindən fərqlidir.

Məlumata görə, fərq özünümüdafiə odlu, habelə ov, idman və pnevmatik silahın saxlanılması üçün verilən icazənin müddəti ilə bağlıdır. Belə ki, parlamentin qəbul etdiyi sənəddə bu müddət 10 il, prezidentin imzaladığı sənəddə isə 5 il göstərilib.

“Kremldə bu araşdırılır”, - deyə Putinin mətbuat katibi Dmitri Peskov bildirib. O, aparılan araşdırmadan sonra qanundakı ziddiyyətlə bağlı açıqlama veriləcəyini vəd edib.

#
#

ƏMƏLİYYAT İCRA OLUNUR