Bakı. Hafiz Heydərov – APA. Fövqəladə Hallar Nazirliyinin (FHN) İdman-sağlamlıq klubunun əməkdaşı mükafata layiq görülüb.
FHN-dən APA-ya verilən məlumata görə, İtaliyanın Roma şəhərində FILA-nın rəhbərliyi altında Grappling güləşi üzrə Avropa çempionatı keçirilib. FHN-in İdman-sağlamlıq klubunun əməkdaşı Faiq Rzayev yarışda ölkəmizi hakim və məşqçi qismində təmsil edib və Avropa birinciliyi yarışlarını qüsursuz idarə etdiyinə görə FILA-nın Grappling güləşi sertifikatla mükafatlandırılıb.
Qeyd edək ki, Faiq Rzayev bu idman növü üzrə ilk azərbaycanlı beynəlxalq hakimdir. Həmçinin, Azərbaycanın Grappling güləşi üzrə yığma komandanın baş məşqçisidir. Yarışda milli komandamızın üzvü Putiyev Hacımurad Avropa çempionatında 2-ci yerə layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
