Yayımı İctimai Televiziya və Radio Yayımları Şirkəti (İTV) tərəfindən yarımçıq dayandırılan "Qarabağnamə" çoxseriyalı bədii televiziya filmi tamamlanaraq İTV-nin efirində yayımlanır. Bu barədə APA-ya Milli Televiziya və Radio Şurasının (MTRŞ) Aparat rəhbəri Toğrul Məmmədov məlumat verib.
O qeyd edib ki, hazırda İTV-də yayımlanan "Qarabağnamə" çoxseriyalı bədii televiziya filmi təqdim olunmuş sinopsisə uyğundur: "Bu səbəbdən də İTV ilə barışıq əldə oluna bilər".
Qeyd edək ki, 2017-ci il fevralın 9-da Ali Məhkəmədə hakim Azər Hüseynovun sədrliyi ilə İTV-nin MTRŞ-ya qarşı kassasiya şikayətinə baxılacaq.
Xatırladaq ki, MTRŞ İTV-də yayımlanan “Qarabağnamə” çoxseriyalı bədii televiziya filmini yarımçıq dayandırdığı üçün telekanala ayrılan vəsaitin geri qaytarılması barədə iddia tələbi ilə 1 saylı Bakı İnzibati-İqtisad Məhkəməsinə müraciət edib. 1 saylı Bakı İnzibati-İqtisad Məhkəməsi MTRŞ-nın iddiasını təmin edib. Həmin qərarla razılaşmayan İTV Bakı Apellyasiya Məhkəməsinə apellyasiya şikayəti verib. Bakı Apellyasiya Məhkəməsi İTV-nin MTRŞ-ya qarşı şikayətini təmin etməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
