Somalinin cənubunda “Əş-Şəbab” terror qruplaşmasının silahlıları sərnişin mikroavtobusunu atəşə tutublar.
APA-nın “Sinxua” agentliyinə istinadən verdiyi xəbərə görə, insident nəticəsində ikisi hərbçi olmaqla 7 nəfər ölüb, daha 6 nəfər xəsarət alıb.
Xəsarət alanlar xəstəxanaya çatdırılıb. Silahlılar hadisə yerindən qaçıblar.
Qeyd edək ki, “Əl Qaidə” qruplaşması ilə əlaqəli olan “Əş-Şəbab” qruplaşması Somalidə terrorçu fəaliyyətlə məşğuldur. Qruplaşma ölkənin mərkəzi hakimiyyət orqanlarına qarşı silahlı mübarizə aparır.