FİFA 2017-ci ildə milli komandaların ilk reytinq cədvəlini açıqlayıb. Apasport.az saytının məlumatına görə, ötən il tərtib olunan son siyahıdan sonrakı dövrdə yığmaların iştirakı ilə keçirilmiş oyunların sayı az olduğu üçün cədvəldə cüzi sayda dəyişiklik qeydə alınıb.
Bu müddətdə heç bir rəsmi matça çıxmayan Azərbaycan millisinin də xal və mövqeyi dəyişməz qalıb. Xorvatiyalı baş məşqçi Robert Prosineçkinin çalışdırdığı yığmamız ötən ay olduğu kimi, 386 xala malikdi.
Bu nəticə ilə komandamız 90-cı pillədə qalıb. Lakin artıq Toqo millisi yığmamıza çatıb. Eyni xala malik komandalar 90-cı pilləyə şərikdi.
Millimiz və “qonşular”ı
85 (87). Qətər - 416
86 (86). Ermənistan – 412
87 (89). Keniya - 396
88 (88). Zambiya - 395
89 (85). Liviya – 390
90 (90). Azərbaycan - 386
90 (91). Toqo – 386
92 (93). Antiqua və Barbuda – 370
93 (93). Finlandiya – 368
93 (92). Ruanda - 368
95 (95). Boliviya - 359
Dünyanın ən güclü 10 komandasının mövqeyində isə heç bir dəyişiklik yaşanmayıb. Liderlərin xal hesabları da dəyişməz qalıb.
İlk “onluq”
1 (1). Argentina – 1634
2 (2). Braziliya – 1544
3 (3). Almaniya – 1433
4 (4). Çili – 1404
5 (5). Belçika – 1368
6 (6). Kolumbiya – 1345
7 (7). Fransa – 1305
8 (8). Portuqaliya – 1229
9 (9). Uruqvay – 1187
10 (10). İspaniya – 1166
Millimizin DÇ-2018-in seçmə mərhələsindəki rəqiblərindən yalnız Norveçin mövqeyi dəyişib. Onlar 1 addım geriləyib.
DÇ-2018-in seçmə mərhələsi, Avropa zonası üzrə C qrupu
3 (3). Almaniya – 1433
32 (32). Şimali İrlandiya - 767
43 (43). Çexiya - 671
84 (83). Norveç - 418
202 (202). San-Marino – 17
Qeyd edək ki, qonşu Türkiyə yığması 24-cü yerdə qalıb. “Ay-ulduzlular”ın hesabında 851 xal var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
