Mikayıl Müşfiqin abidəsi əvvəlki yerində qoyulacaq

Mikayıl Müşfiqin abidəsi əvvəlki yerində qoyulacaq
# 01 mart 2017 11:41 (UTC +04:00)

Mədəniyyət və Turizm Nazirliyi yanında Mədəni irsin mühafizəsi, inkişafı və bərpası üzrə Dövlət Xidmətinin rəhbəri Zakir Sultanov, Azərbaycan Memarlar İttifaqı İdarə Heyətinin sədri Elbəy Qasımzadə, Yasamal Rayon İcra Hakimiyyətinin başçısı İbrahim Mehdiyev və mütəxəssislərin iştirakı ilə son günlərədək Mikayıl Müşfiqin büstünün olduğu əraziyə baxış keçirilib.

Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, abidənin yenidən həmin ərazidə, əvvəlki görkəminə heç bir xələl gəlmədən quraşdırılacağı yer müəyyən olunub.

Z. Sultanov tarixi əhəmiyyət kəsb edən tikililərin, mədəniyyət abidələrinin qanunvericiliyə uyğun şəkildə aidiyyəti dövlət orqanları ilə razılaşdırmadan, icazəsiz sökülməsinin yolverilməz olduğunu bildirib. O deyib ki, bir ay müddətinə şairin abidəsi həmin ərazidə, yaşayış binasına yaxın yerdə qoyulacaq.

#
#

ƏMƏLİYYAT İCRA OLUNUR