Qazaxıstan parlamenti Konstitusiya dəyişiklikləri barədə qanun layihəsini ikinci oxunuşda təsdiqləyib.
APA-nın “Tengrinews.kz” saytına istinadən verdiyi məlumata görə, prezident Nursultan Nazarbayev tərəfindən təqdim edilən qanun layihəsi Konstitusiyanın 19 maddəsinə 26 dəyişiklik nəzərdə tutur.
Qeyd edək ki, martın 3-də prezidentin iştirakı ilə parlamentin hər iki palatasının birgə iclası keçirilib. İclasın yekunu olaraq qanun layihəsini təkliflər nəzərə alınmaqla ikinci oxunuşa hazırlayacaq birgə komissiya yaradılıb.