Martın 11-12-də Hollandiyanın Eyndhoven şəhərində taekvondo üzrə “Dutch Open” beynəlxalq turniri keçiriləcək. Taekvondo Federasiyasından apasport.az saytına verilən məlumata görə, sayca 44-cü olan G1 kateqoriyalı reytinq xarakterli yarışda ölkəmizi böyüklərdən və gənclərdən ibarət yığma komandalarımız təmsil edəcək.
Türkiyədə keçirilən yarışı uğurla başa vuran təmsilçilərimiz bu turnirdə də qüvvələrini sınayacaq. Komandalarımız artıq Hollandiya yollanıb.
Yarışa qatılacaq əsas millimizin heyətinə Qaşım Maqomedov, Mikayıl Əliyev (hər ikisi 54 kq), Fizam Mehtiyev (58 kq), Məmmədalı Quliyev, Məhəmməd Məmmədov (hər ikisi 63 kq), Ayxan Tağızadə, Sina Bahrami (hər ikisi 68 kq), Əliəsgər Əliyev (74 kq), Milad Beiqi Harçeqani (80 kq), Ramin Əzizov, Payam Qobadi Oğaz (hər ikisi 87 kq), Radik İsayev (+87 kq) Panis Esmaeilpour (46 kq), Patimat Abakarova, Gülhanım Yeşildal (hər ikisi 53 kq), Yaprak Eriş (57 kq), Darya Şkurko (62 kq) və Fəridə Əzizova (67 kq) daxil ediblər.
Gənclərin mübarizəsində isə ölkəmizi Xanoğlan Kərimov (45 kq), Bəhruz Quluzadə (48 kq), Ayaz Qənbərli (51 kq), Samir Məhərrəmov, Ruslan Seyidov (hər ikisi 55 kq) Cavad Ağayev (63 kq), Minayə Əkbərova (42 kq), Mirvari Qəndərli (44 kq), Sevda Pirseyidova (46 kq), Zalikə Babayeva (49 kq) təmsil edəcəklər.
Qeyd edək ki, Azərbaycan Taekvondo Federasiyasının vitse-prezidenti Niyaməddin Paşayevin rəhbərliyi ilə Eyndhovenə yollanan komandalarımız mart 14-də vətənə dönəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
