Avropa Liqasının simvolik komandası açıqlanıb

Avropa Liqasının simvolik komandası açıqlanıb
# 10 mart 2017 12:39 (UTC +04:00)

Avropa Liqasında 1/8 final mərhələsinin ilk oyunlarından sonra simvolik heyət müəyyənləşib. Apasport.az-ın UEFA-nın rəsmi saytına istinadən məlumatına görə, rəmzi “11-liy”ə 8 komandanın oyunçusu düşə bilib.

Belçika derbisində “Gent”i səfərdə böyük hesabla üstələyən “Genk”in 3 üzvü simvolik heyətə düşübsə, “Roma”ya qalib gələn “Lion” siyahıda 2 oyunçu ilə təmsil olunub.

Həmçinin “Beşiktaş”ın “Olimpiakos”la səfər qarşılaşmasında bərabərlik qolunun müəllifi olan Vinsen Abubakar da 3-4-3 taktiki sxemi ilə qurulan heyətdə özünə yer edə bilib.

Rəmzi “11-lik”:

Qapıçı: Yan Zommer (“Borussiya” Mönhenqladbax)

Müdafiəçilər: Uroş Spayiç (“Anderlext”), Mallo (“Selta”), Lüdviq Auqustinsson (“Kopenhagen”)

Yarımmüdafiəçilər: Alexandro Pozuelo, Ruslan Malinovski (hər ikisi “Genk”), Henrik Mxitaryan (“Mançester Yunayted”), Sorentin Tolisso (“Lion”)

Hücumçular: Aleksandre Lakazette (“Lion”), Vinsen Abubakar (“Beşiktaş”), Mbvana Samatta (“Genk”)

#
#

ƏMƏLİYYAT İCRA OLUNUR