Daxili Qoşunların bir qrup hərbi qulluqçusu mükafatlandırılıb

Daxili Qoşunların bir qrup hərbi qulluqçusu mükafatlandırılıb
# 18 mart 2017 14:30 (UTC +04:00)

Martın 18-də Daxili İşlər Nazirliyinin Daxili Qoşunlarının yaranmasının 25-ci ildönümü münasibətilə Azərbaycan prezidentinin sərəncamı və daxili işlər nazirinin əmri ilə dövlətin ərazi bütövlüyünün təmin olunmasında iştirak etdiklərinə, döyüş zamanı igidlik göstərdiklərinə, həmçinin xidmətdə xüsusilə fərqləndiklərinə, yüksək peşə hazırlığı, nümunəvi hərbi intizam nümayiş etdirdiklərinə görə bir qrup hərbi qulluqçu mükafatlandırılıb.

Daxili Qoşunların mətbuat xidmətindən APA-ya verilən məlumata görə, Daxili Qoşunların Baş İdarəsində keçirilən mərasimdə daxili işlər nazirinin müavini - Daxili Qoşunların komandanı Şahin Məmmədov mükafatları şəhid ailələrinin üzvlərinə və hərbi qulluqçulara təqdim edib.

Ş.Məmmədov bildirib ki, şəxsi heyət bundan sonra da göstərilən etimadı doğruldacaq, dövlət və dövlətçiliyimizin qorunması naminə verilən bütün əmr və göstərişləri tam keyfiyyətlə yerinə yetirəcək.

Qeyd edək ki, hərbi qulluqçulardan 2 nəfər “Vətən uğrunda” (1 nəfər ölümündən sonra), 2 nəfər "İgidliyə görə" (ölümündən sonra), 16 nəfər "Hərbi xidmətlərə görə" medalı ilə təltif edilib.

#
#

ƏMƏLİYYAT İCRA OLUNUR