Cənubi Qafqaz ölkələrində torpaqların deqradasiya vəziyyəti açıqlanıb.
APA-nın xəbərinə görə, Tiflisdə Cənubi Qafqazda torpaqların deqradasiyasının neytrallaşması üzrə keçirilən media seminarında çıxış edən BMT-nin Mərkəzi və Şərqi Avropada Səhralaşmaya qarşı mübarizə konvensiyasının proqram koordinatoru Camal Annaqulyova bildirib ki, hazırda Ermənistanda torpaqların 80 faizində səhralaşma və bioloji aktivliyin itirilməsi prosesi gedir.
Gürcüstanda isə səhralaşma təhlükəsi 35 faizdir. Bu ölkədə tez-tez baş verən quraqlıq kənd təsərrüfatına ciddi ziyan vurur.
Azərbaycanın Ekologiya və Təbii Sərvətlər Nazirliyinin Meşələrin İnkişafı Departamentinin sektor müdiri və Səhralaşmaya Qarşı Mübarizə Konvensiyasının Azərbaycan üzrə Milli Koordinatoru Sadiq Salmanov isə bildirib ki, hazırda Azərbaycanda torpaqların 23 faizi deqradasiyaya uğrayıb. Onların 20 faizi kənd təsərrüfatı təyinatlı torpaqların payına düşür.
Qeyd olunub ki, Cənubi Qafqazda ən az deqradasiya prosesi Azərbaycan ərazisindədir. Ötən əsrin 90-cı illərində Azərbaycanda yoxsulluq 47 faiz təşkil edirdisə, aparılmış sosial-iqtisadi islahatlar nəticəsində bu rəqəm 6 faizə enib. Ancaq təhlillər göstərir ki, problemlər hələ də qalmaqdadır. Torpaqların deqradasiyası kənd yerlərində yaşayan əhalinin yoxsulluğuna səbəb olur. Belə ki, mal-qaranın sistemsiz otarılması, suvarma sistemlərindən, müasir kənd təsərrüfatı texnikalarından düzgün istifadə edilməməsi torpaqların şoranlaşmasına və deqradasiyasına səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
