Yunanıstanda Avina-Saloniki sərnişin qatarının relsdən çıxaraq qəzaya uğraması nəticəsində 4 nəfər ölüb, 5 nəfər xəsarət alıb. APA-nın “RİA Novosti”yə istinadən verdiyi xəbərə görə, bu barədə TRAINOSE dəmir yolu şirkətinin açıqlamasında bildirilir.
“21.45-də (Bakı vaxtı ilə 22.45-də) Afina-Saloniki reysi ilə 70 sərnişin daşıyan “Intercity 58” qatarı Adendros stansiyası yaxınlığında indiyədək məlum olmayan səbəblərdən relsdən çıxıb. Qəza nəticəsində 4 sərnişin ölüb, maşinist daxil olmaqla 5 nəfər xəsarət alıb”, - deyə məlumatda bildirilir.
Qəza ilə əlaqədar qatarların hərəkətində dəyişiklik baş verməyib.
Hadisə yerinə xilasedicilər və həkimlər cəlb edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
