Səudiyyə Ərəbistanının Milli Olimpiya Komitəsi Bakıda İslam Həmrəyliyi Oyunlarında iştirak edən Səudiyyə Ərəbistanı idmançılarının şərəfinə ziyafət təşkil edib.
APA-nın məlumatına görə, mərasimə İslamiadada iştirak edən idmançılar, o cümlədən xarici ölkələrin Azərbaycandakı diplomatik korpusunun nümayəndələri və digər qonaqlar qatılıb.
Səudiyyə Ərəbistanının Milli Olimpiya Komitəsi prezidentinin müavini, şəhzadə Əldüblhəkim Əl Səud bildirib ki, Bakıda keçirilən IV İslam Həmrəyliyi Oyunları İslam dünyasının həmrəyliyi üçün çox böyük əhəmiyyət kəsb edir. Onun sözlərinə görə, bu oyunlar idman vasitəsilə müxtəlif müsəlman ölkələrini bir araya gətirib onları bu yarışlar ətrafında birləşdirir: “Azərbaycan "Bakı 2017"ni çox gözəl təşkil edib. Biz öz növbəmizdə Azərbaycana təşəkkür edirik. Belə yüksək səviyyədə təşkilatılıq İslam həmrəyliyi uğrunda bir addım sayılır. Düşünürük ki, bu cür oyunlar İslam həmrəyliyini müxtəlif sahələrdə olduğu kimi idman sahəsində də genişləndirəcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
