Tramp Maduro ilə telefonla danışmaqdan imtina edib

Tramp Maduro ilə telefonla danışmaqdan imtina edib
# 12 avqust 2017 04:27 (UTC +04:00)

Rəsmi Karakas Nikolas Maduro ilə Donald Tramp arasında telefon bağlantısına dair Vaşinqtona sorğu göndərib, lakin ABŞ prezidenti venesuelalı həmkarının təklifini rədd edib.

APA-nın xəbərinə görə, bu barədə Ağ Evin yaydığı açıqlamada bildirilir.

“Amerika Birləşmiş Ştatları təqiblər və sıxıntılara məruz qalan Venesuela xalqını dəstəkləyir. Ölkədə demokratiya bərpa olunan kimi, prezident Tramp məmnuniyyətlə Venesuela prezidenti ilə söhbət edəcək”, məlumatda deyilir.

Ağ Evdən həmçinin bildiriblər ki, ABŞ dəfələrlə Venesuelanı ədalətli seçkilər keçirməyə, siyasi məhbusları azad etməyə, insan haqlarına hörmətlə yanaşmağa çağırıb: “Lakin bütün bu çağırışlar cavabsız qalıb, əvəzində prezident Maduro diktatura yolunu seçib”.

#
#

ƏMƏLİYYAT İCRA OLUNUR