Qətldə təqsirləndirilən Rusiya vətəndaşının məhkəməsi başlayıb

Qətldə təqsirləndirilən Rusiya vətəndaşının məhkəməsi başlayıb
# 15 noyabr 2017 09:13 (UTC +04:00)

Bu gün Bakı Ağır Cinayətlər Məhkəməsində qətldə təqsirləndirilən Rusiya Federasiyası vətəndaşı Samir Zenyukov və Azərbaycan vətəndaşı Razumnıy Dmitri Aleksandroviçin məhkəmə iclası başlayıb.

APA-nın məlumatına görə, hakim Ramella Allahverdiyevanın sədrlik etdiyi hazırlıq iclasında anket məlumatları dəqiqləşdirilib.

Hazırlıq iclası noyabrın 22-nə təxirə salınıb.

Qeyd edək ki, bir müddət əvvəl Neftçilər prospektində binanın qarşısında meyit tapılıb. Meyiti tapılan şəxsin 46 yaşlı Yelena Sandradinova olduğu, meyitin elə həmin binanın pəncərəsindən atıldığı məlum olub.

İstintaq zamanı məlum olub ki, Rusiya Federasiyasının vətəndaşı Samir Zenyukov, paytaxt sakini Dmitri Razumnıy Neftçilər prospektindəki binada 3-cü mərtəbədəki mənzildə tanışları Yelena Sandradinova və Alla adlı qadınla birgə məclisdə iştirak ediblər.

Gecə saatlarında spirtli içkinin təsiri altında olan şəxslər arasında insident yaranıb. Bu zaman onlar 41 yaşlı Yelenanı döyüblər. Daha sonra S. Zenyukov və D. Razumnıy ağır xəsarətlər alan qadını pəncərədən küçəyə atıblar.

Onlar Allanı da döyüb evdən qovublar. Polisin keçirdiyi əməliyyat nəticəsində hər iki şəxs saxlanılıb. Onlar törətdikləri əməli etiraf ediblər.

#
#

ƏMƏLİYYAT İCRA OLUNUR