Dekabrın 7-də saat 11:00-dan etibarən Bakı Biznes Mərkəzində İqtisadiyyat Nazirliyi və Sahibkar Qadınlar Assosiasiyasının təşkilatçılığı ilə kiçik sahibkarlıq fəaliyyəti ilə məşğul olanların əl işlərindən ibarət "Kiçik sahibkarların yaratdıqları" sərgisi keçiriləcək.
Nazirliyin mətbuat xidmətindən "APA-Economics"ə verilən məlumata görə, sərgidə kiçik sahibkarların əl işləri - rəsmlər, suvenirlər, bijuteriyalar, oyuncaqlar, ağacdan oymalar və s. nümayiş olunacaq və satışı həyata keçiriləcək.