Çempionlar Liqasının qrup mərhələsinin VI turundan sonra klubların UEFA reytinqi açıqlanıb. Apasport.az saytının məlumatına görə, son 5 mövsümün nəticələrinin əksini tapdığı siyahıda Avropanın 442 komandası yer alıb.
Azərbaycanın ən yaxşı təmsilçisi “Qarabağ”ın mövqeyində dəyişiklik olub. Ağdam təmsilçisi Çempionlar Liqasındakı son matçında “Roma”ya 0:1 hesabı ilə uduzduqdan sonra 1 pillə geriləyib.
Hesabında 20,500 xal olan Qurban Qurbanovun yetirmələri artıq 67-cı yerə şərikdi. Təmsilçimiz Belarus BATE-si ilə eyni göstəriciyə malikdi.
“Qarabağ”ın geriləməsinin səbəbkarı isə Hollandiya “Feyenoord”udu. Rotterdam təmsilçisi öz meydanında “Napoli”ni 2:1 hesabı ilə məğlub edib. Nəticədə aktivinə 2 xal yazan hollandiyalılar hesabını 21,500-ə çatdırıb. Onlar Təl-Əviv “Makkabi”si və Vyana “Rapid”inə şərik olub.
67-68-ci yerləri bölüşən “Qarabağ” ilk “100-lük”dədisə, digər komandalarımız xeyli geridə qalıb. Ağdam klubu kimi öz əmsalına malik olan “Qəbələ”nin aktivində 5,250 xal var. “Voyvodina” ilə eyni xala malik təmsilçimiz 191-ci pillədə qərarlaşıb. Azərbaycanın digər 5 klubunun öz əmsalı aşağı olduğundan ölkə reytinqindən aldıqları payla kifayətlənib. Nəticədə “Neftçi, “Xəzər Lənkəran”, “Keşlə”, “Zirə” və “Kəpəz” 3,825 xalla 244-cü yeri bölüşür.
Qeyd edək ki, ilk “onluq”da da dəyişiklik olub. Bura daxil olan “Porto” “Çelsi”ni ən yaxşılar sırasından kənarlaşdırıb.
İlk “onluq”
1. “Real” – 148,000
2. “Barselona” – 126,000
3. “Bavariya” – 125,000
4. “Atletiko” – 122,000
5. “Yuventus” – 120,000
6. PSJ – 109,000
7. “Sevilya” – 108,000
8. “Mançester Siti” – 97,000
9-10. “Borussiya” D – 85,000
“Porto” – 85,000
Azərbaycan klubları
67. “Qarabağ” – 20,500
191. “Qəbələ” – 5,250
244. “Neftçi” - 3,825
244. “Keşlə” - 3,825
244. “Zirə” - 3,825
244. “Kəpəz” - 3,825
244. “Xəzər Lənkəran” - 3,825
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
