Beynəlxalq Boks Assosiasiyasının (AIBA) yeni prezidenti təşkilatın bu il noyabrda Moskvada keçiriləcək konqresində seçiləcək.
APA-nın məlumatına görə, bunu TASS-a açıqlamasında Rusiya Boks Federasiyasının baş katibi Umar Kryemlyev bildirib.
Qeyd edək ki, keçən il noyabrın 20-də AIBA prezidenti Çinq-Kuo Vu postunu tərk edib. Bundan əvvəl, iyulun 13-də isə AIBA İcraiyyə Komitəsi Çinq-Kuo Vuya etimadsızlıq göstərib. Buna səbəb təşkilatda maliyyə problemləri olub. AIBA prezidentinə postunu könüllü tərk etmək təklif edilib, ancaq o, bundan imtina edib. Oktyabrın 10-da AIBA İntizam komissiyası Çinq-Kuo Vunu postundan uzaqlaşdırıb. Hazırda AIBA prezidentinin səlahiyyətlərini təşkilatın vitse-prezidenti Franko Falçinelli icra edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
