Mədəniyyət və turizm naziri Əbülfəs Qarayev Portuqaliyaya səfəri çərçivəsində Avropa Şurasının Şimal-Cənub Təşkilatın rəhbəri Antonio Gamito ilə görüşüb.
Mədəniyyət və Turizm Nazirliyindən APA-ya verilən məlumata görə, görüş zamanı Azərbaycanda keçirilən Ümumdünya Mədəniyyətlərarası Dialoq Forumunun əhəmiyyətindən bəhs olunub. Eyni zamanda, 2018-ci ildə Bakı Prosesinin 10 illiyi ilə bağlı təşkil olunacaq tədbirlər müzakirə olunub, bu il ölkəmizdə keçiriləcək Humanitar Forum haqqında da söhbət açılıb.
Nazir Ə. Qarayev A. Gamitonu ölkəmizdə keçiriləcək beynəlxalq tədbirlərdə iştirak etməyə dəvət edib. A. Gamito Azərbaycanda keçirilən çoxsaylı beynəlxalq tədbirlərin multikulturalizm, tolerantlıq ənənələrinin inkişafından xəbər verdiyini bildirib.
Qeyd edək ki, adıçəkilən təşkilat ölkəmizdə keçirilən Ümumdünya Mədəniyyətlərarası Dialoq Forumunun partnyorudur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
