Həsən Ruhaninin iştirakı ilə “Təbriz - 2018” tədbirlərinə start verilib

Həsən Ruhaninin iştirakı ilə “Təbriz - 2018” tədbirlərinə start verilib
# 25 aprel 2018 11:30 (UTC +04:00)

Təbrizin 2018-ci ildə islam dünyasının turizm paytaxtı seçilməsi ilə bağlı tədbirlərə İran prezidenti Həsən Ruhaninin iştirakı ilə start verilib.

APA-nın Tehran bürosunun məlumatına görə, tədbirdə İran rəsmi şəxsləri və 20 ölkədən nümayəndələr iştirak edir.


Tədbirin rəsmi açılışı ilə Təbriz şəhərində 2018-ci il üçün turizm sahəsində xüsusi güzəştlərin tətbiqinə başlanıb. Belə ki, hotellərdə, xalça dükanlarında, ayaqqabı və dəri məmulatları mağazalarında xüsusi güzəştlər tətbiq olunur, ənənəvi yeməklər verilir, muzey və tarixi abidələrin ziyarəti pulsuz təşkil olunur.

Təbrizdə müxtəlif tayfaların iştirakı ilə əl işləri sənayesi sərgisi də təşkil ediləcək.


Qeyd edək ki, “Təbriz-2018” tədbirləri çərçivəsində il ərzində bu şəhərdə xidmət sektoru 24 saat fəaliyyət göstərəcək.

Xatırladaq ki, 2019-cu ildə İslam ölkələrinin turizm paytaxtı Bakı şəhəri seçilib.

#
#

ƏMƏLİYYAT İCRA OLUNUR