Azərbaycanın 5 halqa ilə çıxış edən bədii gimnastika üzrə milli komandası Dünya Kuboku turnirində bürünc medal qazanıb.
APA-nın məlumatına görə, yığmamız 17,600 xal toplayaraq üçüncü olub.
Bolqarıstan komandası 19,800 xalla birinci, İtaliya millisi 18,000 xalla ikinci yerdə qərarlaşıb.
***
saat 13.01
Bu gün Bakıda, Milli Gimnastika Arenasında bədii gimnastika üzrə Dünya Kuboku turnirinin sonuncu gününə fərdi proqramda ayrı-ayrı alətlər üzrə final yarışları ilə start verilib.
APA-nın məlumatına görə, fərdi yarışlarda əvvəlcə halqa və top, ardınca gürzlər və lent ilə hərəkətlərdə ən güclü gimnastlar müəyyənləşəcək.
Daha sonra qrup hərəkətləri yarışlarının finalçıları 5 halqa, 3 top və 2 iplə məharətlərini göstərəcəklər. Qrup yarışlarında Azərbaycan milli komandasının heyətində Ayşən Bayramova, Siyana Vasileva, Zeynəb Hümmətova, Aliyə Paşayeva və Diana Doman mübarizə aparacaqlar. Komandamız halqa ilə yarışlarda meydana 6-cı, toplar və iplərlə mübarizədə isə 8-ci çıxacaq.
Yarışların ilk iki gününün nəticələrinə görə final mərhələsində ən güclü 8 fərdi gimnast və 8 qrup hərəkətləri komandası birincilik uğrunda yarışacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
