“Azərbaycanda “Gürcüstan ticarət evi”nin açılması planlaşdırılır”.
APA-nın yerli bürosunun məlumatına əsasən, bunu "Caspian European Club"un sədrinin birinci müavini və baş icraçı direktoru Telman Əliyev Tbilisidə keçirilən 5-ci Beynəlxalq Caspian Energy Forumunda deyib.
O bildirib ki, Gürcüstanda “Azərbaycan ticarət evi”nin yaradılması istiqamətində müzakirələr aparılır: “Eyni zamanda Azərbaycanda da “Gürcüstan ticarət evi”nin açılması imkanları nəzərdən keçirilir”.
Qeyd edək ki, Gürcüstanda “Azərbaycan ticarət evi”nin açılması barədə planlar ilk dəfə ötən ilin dekabrın 15-də Tbilisidə keçirilmiş Azərbaycan-Gürcüstan biznes-forumu və üçüncü CEO Lunch zamanı səsləndirilib.